وەزارەتا ناڤخوە یا ترکیێ ل پارێزگەها ئامەدێ یا باکورێ کوردستانێ، ئۆپەراسیۆنەکە لەشکەری دا دەستپێکرن.
ل گۆر وەزارەتا ناڤخوە یا ترکیێ، ل ناڤچەیا لجێ یا ئامەدێ ئۆپەراسیۆنا «ئەرەن دۆرپێچ پاییز-زڤستان-21» ل دژی په‌كه‌كێ هاتیە دەستپێکرن.
وەزارەتا ناڤخوە راگهاندیە کو دێ ئۆپەراسیۆن ل ناڤچەیا لجێ، ژ ئالیێ فەرمانداریا جەندرمە یا ئامەدێ ڤە بێ برێڤەبرن و 840 جەندرمەیێن هێزێن تایبەت، پۆلیسێن هێزێن تایبەت، کۆماندۆ و جەردەڤان بەشدار دبن کو ژ 56 تیمان پێک تێن.
ئارتێشا ترکیێ رێزە ئۆپەراسیۆنێن خوەیێن ب ناڤێ ئەرەن زڤستان ل دژی رێخستنا په‌كه‌كێ ل پارێزگەهێن جودا یێن باکورێ کوردستانێ دانە دەستپێکرن و هێ ژی ل سەر وان ئۆپەراسیۆنان بەردەوامە.
