رێخستنا په‌كه‌كێ ئیرۆ ناسنامه‌یا 6 جوانێن دن یێن كورد ئه‌شكه‌ره كر كو ل سالا 2017ێ كه‌تنه به‌ر ئێریشێن ده‌وله‌تا ترك و پاش ده‌رباسبوونا 6 سالان ژ نوو ڤه مرنا وان ئیفشا كر.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا یه‌كشه‌می 15/1/2023ێ ناسنامه‌یا 6 چه‌كدارێن خوه ئه‌شكه‌ره كر یه‌ك ژێ زارۆك كو ل سالا 2017 ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه و پاش ده‌رباسبوونا 6 سالان ژ نوو ڤه مرنا وان ئیلان كری یه.
هه‌په‌گێ د په‌سنێ ڤان جوانان ده دیسا گۆتییه: «ئه‌و ملیتانێن هێژا یێن ئاپۆ بوون، ئه‌و فه‌دایێن ئاپۆ بوون، وان ژ زارۆكتیا خوه ئاپۆ و فه‌لسه‌فا ئاپۆ ناسكربوو»!.
په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، ئه‌و جوانێن كو د به‌رخوه‌دانا خوه یا ساخته ده به‌رێ وان دده مرنێ، په‌كه‌كه زارۆكێن كوردان د ره‌ڤینه و ب ده‌ستێ ئارتێشا ده‌وله‌تا داگیركه‌ر دده كوشتن و پشتره تێ و دبێژه: ئه‌و لایقی ئاپۆ ده‌ركه‌تن!.
