رێخستنا په‌كه‌كێ دیسا نووچه‌یێن مرنێ پارڤه‌كرن و ناسنامه‌یا 3 كه‌چێن كورد یێك ژێ زارۆك ئاشكه‌ره كر كو دو سال و 4 مه‌هان به‌رێ هاتنه كوشتن و ژ نوو ڤه مرنا وان ئیفشا كر.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 17/1/2023 ناسنامه‌یا 3 كه‌چێن كورد ئه‌شكه‌ره كر كو ل ئیلۆنا سالا 2012ان ل باشوورێ كوردستانێ ب ده‌ستێ ئارتێشا ده‌وله‌تا ترك دانه كوشتن و پاش ده‌رباسبوونا دو سال و 4 مه‌هان ژ نوو ڤه مرنا وان ئیلان كر.
ناڤێن ڤان كه‌چان ووسایه:
دیله‌ك ئۆزه‌ر ژ مووشێ.
گولشا پۆلات ژ سێرتێ.
رێزان یلدرم ژ وانێ.
هه‌په‌گێ به‌رێ ڤان كه‌چان ژی وه‌كه ب هه‌زاران كه‌چ و جوانێن دن دایه مرنێ و پاش ده‌رباسبوونا دو سال و 4 مه‌هان ل سه‌ر ژیان ژ ده‌ستدانا وان، ژ نوو ڤه هاتیه و دبێژه مه هه‌ڤالێن خوه وه‌ندا كرن.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
