ل رۆژئاڤایێ کوردستانێ درۆنەکە ترکیێ ئۆتۆمۆبیلەک ل سەر رێیا قامشلۆ-دێرکێ بۆمبەباران کر.
ئیرۆ چارشەمێ 18ێ چلەیا 2023ان بالافرەکە بێ فرۆکەڤان یا ئارتێشا ترکیێ ل سەر رێیا قامشلۆ-دێرکێ ئۆتۆمۆبیلەک کری یە ئارمانج.
ل گۆری ئاگاهیان، ئێریش ل نێزیک گوندێ ماشووقێ ل رۆژهلاتێ باژارێ تربەسپیێ هاتیە کرن.
مەدیایا نێزیکی رێڤەبەریا خوەسەر ژی راگهاندیە، درۆنەئەک ترکیێ ل جەم راوەستگەها «ئاری» یا ل خاچرێ یا گوندێ ماشووقێ (7 کم ل رۆژهلاتێ تربەسپیێ) ل ئەرەبەیەکێ دایە.
دەربارێ زرارێن ئێریشێ دە ت ئاگاهی نەهاتنە بدەستخستن.
نەهاتیە زانین کو ئۆتۆمۆبیلا کو هاتیە ئارمانجکرن یا وەلاتیێن سڤیل بوویە یانا سەر ب رێڤەبەریا خوەسەر و هێزێن سەر ب رێڤەبەریێ ڤەیە.
ئاسایشا رێڤەبەریا خوەسەر و هێزێن سووریەیا دەمۆکراتیک (هه‌سه‌دێ) هەتا نها دەربارێ ئێریشێ دە ت داخویانی بەلاڤ نەکرنە.
