خۆرتەکی کاکەیی ژ گوندێن دەردۆرا خانەقینێ، د دەستێ پەکەکێ دە ھات کوشتن، لێ پشتی سالەکێ ژ کوشتنا وی، پەکەکێ ب فەرمی راگھاند کو ئەو خۆرت ھاتیە کوشتن و مالباتا وی ژی داخوازا رۆنیکرنێ دکە.
خزمەکی شەرڤانەکی پەکەکێ ر.ھ راگەھاند: “گەریلا ب ناڤێ محەمەد ھەمزەیە کو د ناڤ پەکەکێ دە ب ناڤێ عەگید کوردستان تێ ناسکرن، لێ سالا 1998ێ ل ھەولێرێ ژ داییک بوویە و پشترە ب رێیا کەسەکی چوویە قەندیلێ.
ل گۆر زانیاریان، ئەڤ کەس و چەند کەسێن دن ب رێیا ھەڤال در. ئازاد چوویە ناڤا پەکەکێ و وەکە بەرپرسێ پەکەکێ یێ ل سینۆرێ گەرمیان و کفریێ کار دکە ژ بۆ شاندنا جوانان بۆ ناڤا پەکەکێ.
کەسەکی نێزیکی وێ مالباتێ ژی دبێژە: “مالباتا محەمەد ھەمزە ل گەرمیان و خانەقینێ ھشیاری دا پەکەکێ کو زەختێ ل قەندیلێ بکن دا کو جەنازەیێ کورێ خوە ڤەگەرینن. د بەرامبەر ژی دە پەکەکێ ژ وان رە گۆتیە تەرمێ کورێ وە نە د دەستێ مە دەیە و کەتیە دەستێ ترکیەیێ.”
ل گۆر زانیاریان، د دەستپێکا ڤێ مەھێ دە پەکەکێ ئەو مالبات ئاگاھدار کربوو کو کورێ وان ھاتیە کوشتن، لێ ل گۆر داخویانیا پەکەکێ، رۆژا 18/4/2022یێ ل زابێ ھاتیە کوشتن.
