ل مێردینێ ئێریش ل ئۆتۆمۆبیلەکە گەشتیارێن دهۆکێ هات کرن: 4 کەسان جانێ خوە ژ دەست دانە

kurd-duhok

ل باژارێ مێردینێ یێ باکورێ کوردستانێ، ئێریشەکا چەکداری ل دژی ئۆتۆمۆبیلا وەلاتیێن هەرێما کوردستانێ هاتە کرن، د ئەنجامێ دە 4 کەسان جانێ خوە ژ دەست دانە و کەسەک ژی بریندار بوویە.

دەرەنگی شەڤێ ل سەر ریا باژارۆکێن ئارتوکلویێ و نسێبینێ یێ باژارێ مێردینێ ل نێزکێ دەڤەرا یەنیکۆیێ، ئێریشەکا چەکداری ل دژی ئۆتۆمۆبیلەکە دهۆکێ هاتیە کرن.

ل گۆری زانیاریان د ئەنجامێ دە، 3 کەسان جانێ خوە ژ دەست دانە و 2 کەس ژی ب گرانی بریندار بوونە و ژ بۆ نەخوەشخانەیا نسێبینێ هاتنە راکرن، پشترە کەسەکی دن ژ بەر گرانیا برینێن خوە جانێ خوە ژ دەست دا.

قوربانیێن ئێریشێ، ژ مالباتەکە کورد یا ژ پارێزگەها دهۆکێ نە و ب ئۆتۆمۆبیلا خوە چوونە باکورێ کوردستانێ.

در. فارس کو ئەندامەکی وێ مالباتا دهۆکێ یە ژ ک24ێ رە راگهاند، 5 ئەندامێن مالباتا وان دخواستن ژ بۆ چارەسەریا بزیشکی بچن دیاربەکرێ، لێ ل سەر رێ ل نێزیکی نسێبینێ راستی ئێرشێ هاتن.

هەتا نها سەدەما ئێریشێ نایێم زانین و د دەربارێ مژارێ دە لێپرسینەکە بەرفرەهـ هاتیە دەستپێکرن.

پوستێن ھەمان بەش