سەرۆکوەزیرێ هەرێما کوردستانێ مەسروور بارزانی ئێریشا ل پارێزگەها مێردینێ شەرمەزار دکە و بانگ ل دەولەتا ترکیێ دکە کو د زووترین دەم دە سەدەمێن ڤێ تاوانێ ئەشکەرە بکە و تاوانباران ژی رووبروویی دادگەهێ بکە.
سەرۆکوەزیر مەسروور بارزانی ئیرۆ 19ێ چلەیا 2023ان د پەیامەکێ دە راگهاند، شەڤا بۆری ل باژارێ نسێبینێ یێ گرێدایی پارێزگەها مێردینێ ل ترکیێ، د ئەنجاما ئێرشا ل سەر وەلاتیێن هەرێما کوردستانێ دە، 4 کەسان جانێ خوە ژ دەست دان و کەسەک ژی بریندارە.
هه‌روه‌ها گۆت: ئەز پرسە و سەرساخیا خوە یا کوور دگهینم مالبات و کەسوکارێن وان و هەڤخەمێ وانم، هێڤیا چاکبوونا بلەز ژی ژ وی برینداری رە دخوازم.
سەرۆکوەزیر مەسروور بارزانی دبێژە: د دەما کو ئەم ب توندی ڤێ تاوانێ شەرمەزار دکن، ئەم بانگ ل دەولەتا ترکیێ دکن کو د زووترین دەم دە سەدەمێن ڤێ تاوانێ ئاشکەرە بکە و تاواباران ژی رووبروویی دادگەهێ بکە.
