تۆمەتبارێن ئێریشا مێردینێ بۆ دادگەھێ تێن برن

 ل سەر ئێریشا ل دژی وەلاتیێن دوھۆکێ ل مێردینێ، 4 کەس ھاتنە دەستەسەرکرن، ئەو 4 تۆھمەتبار ئیرۆ ئاراستەیێ دادگەھێ تێن کرن.

رۆژا 19ێ ڤێ مەھێ 5 وەلاتیێن دوھۆکێ ب ئارمانجا وەرگرتنا چارەسەریێن پزیشکی، ب ئۆتۆمۆبیلا خوە دەرباسی باکورێ کوردستانێ بووبوون و ل سەر رێیا مێردینێ ب چەکان ئێریش ل وان ھاتبوو کرن و د ئەنجاما بوویەرێ دە ھەر پێنچ وەلاتیێن دوھۆکێ جانێ خوە ژ دەست دابوون.

پشتی ئێریشا مێردینێ، یا شەش تۆھمەتابار ھاتبوون دەستەسەرکرن، دو ژ وان پشتی وەرگرتنا ئیفادەیێن وان ھاتبوون بەردان. دەما دەستەسەرکرنا چار تۆھمەتبارێن دن ژی بۆ دو رۆژێن دن ھاتبوو درێژکرن و ئیرۆ ژ بۆ دادگەھا مێردینێ ھاتن برن.