لەشکەرەکێ رژێما سووریێ و 2 شەرڤانێن ههسهدێ د ئەنجاما تەقینەکێ دە ل گوندێ کۆر هەسەنێ ل گوندەوارێ رۆژئاڤایێ گرێ سپی هاتن کوشتن.
ل گۆری رەوانگەها سووری یا مافێن مرۆڤان «سۆهر»، دەما لەشکەرێن رژێمێ و شەرڤانێن ههسهدێ ل گوندێ کۆر هەسەنێ نێزیکی خەتێن تەماسێ ب هێزێن ترکیێ و گرووپان رە، ل داران دگەریان، بۆمەبەیەک د مالەکێ دە تەقیا.
دا زانین ژی، د ئەنجاما تەقینێ دە مال ب سەر سەرێ وان دە هلوەشیا و لەشکەرەکی رژێما سووریێ و 2 شەرڤانێن ههسهدێ جانێ خوە ژ دەست دان.
دیار کر ژی، تەرمێن وان ب ئامادەبوونا هێزێن رووسی هاتن دەرخستن.
هێزێن سووریەیا دەمۆکراتیک (ههسهدێ) و ئارتێشا سووریێ ل گوندێن گرێ سپی، تەل تەمر و سهرێ کانیێ ب هەڤ رە ل دژی چەکدارێن ئۆپۆزیسیۆنا سووریێ یێن ترکیە پشتەڤانیا وان دکە، شەر دکن.
