کوژەرێن 5 وەلاتیێن دوھۆکی ل نسێبینێ د دادگەهێ دا چ گۆت؟

کوژەرێن 5 وەلاتیێن دوھۆکی ل نسێبینێ د دادگەهێ دا چ گۆت؟

4 گومانبارێن ئێریشا ل سەر رێیا نسێبینێ کو تێدا 5 وەلاتیێن باشوورێ کوردستانێ ھاتبوون کوشتن ب بریارا دادگەھێ ھاتن گرتن و کەسەک ژی ب مەرجێ کۆنترۆلا دادی ھات بەردان. یەک ژ گومانباران ف.ا. ئیدیعا کر کو ا.ک جینایەت کریە، ا.ک. سووج خستیە ستوویێ ف.ا.

ئیفادەیا بەشەک ژ تومەتبارێن کوشتنا 5 ژ ولاتیێن دهۆکێ د چاپەمەنیا کوردستانێ دە جی گرت. ل گۆر وان ئیفادەیان تۆھمەتبارێ ب ناڤێ ف.ا د ئیفادەیا خوە دە دیارکریەیە کو بەری ئێریشێ ھندەک کەسێن “ژ دەولەتا کوور” گەف ل وی خوارنە داکو ئێریشێ پێکبینە و دبێژە: “من و ا.ک ت دەین  نینن. ا.ک ب رێیا کەسێن ب ناڤێن تۆلگا، مەحمەد و ئوگور گەف ل من خوارن. من دەردۆرا 400 ھەزار لیرە پارە شاندن، ل بانکەیان وەسلەیێن وان ژی ھەنە.” تۆھمەتبار ا.ک ژی ئیفادەیێن خوەیێن ل ناڤەندا جەندەرمەیێ دووبارە کرن و ئیدیعا کر کو ف.ا ئەو کوشتن ئەنجامداینە و گۆت: “دەما ف.ا ژ ئیراقێ ھاتی، ئەم ل مالا ھەڤالێ من یێ چ. کۆمبووین. رۆژا کو بوویەر پێکھاتیە، ئەم ل مالا ھەڤالێ من یێ چ. کۆمبووین. من و ف.ا دەین ھەبوون. مە بریار دا کو ئەم ئەو کەسێن ژ ئیراقێ دهێن بشەلینن. من شۆفێرتیا ئۆتۆمۆبیلێ کر، مە ئۆتۆمۆبیلەکا رەش یا ژ رێزێ شۆپاند. من چەک ژی نەخست دەستێ خوە.” تۆھمەتبار ا.ک دەربارێ ئەو کەسێن کو ف.ا وەک کەسێن ژ “دەولەتا کوور” ب ناڤ دکرن دا ژی گۆت: “مژارا تۆلگا، ئوگور و مەحمەد کو د ئیفادەیێن ف.ا دە دەرباس دبە راستە. ئەڤ ئەو کەسن کو من د خەیالا خوە دە چێکرنە.”

شەڤا 19ێ چلەیا 2023یێ ل سەر رێیا سەرەکەیا د ناڤبەرا نسێبین-مێردینێ ژ 2 مالباتان 5 کەسێن ژ پارێزگەھا دوھۆکێ یا  باشوورێ کوردستانێ د ئۆتۆمۆبیلەکێ دا ھاتبوون کوشتن.

پشتی بوویەرێ لێکۆلین ھاتبوو دەستپێکرن و 6 کەس ھاتبوون دەستەسەرکرن.

ژ ٦ گومانبارێن ئەنجامدانا ڤێ تاوانا هۆڤانە،  5 ژ کەس رۆژا دووشەمبێ  23یێ چلەیا 2023یێ پشتی تەمامبوونا کارووبارێن ئیفادەیێ بۆ دادگەھا مێردینێ ھاتنە برن.

پشتی کو ل دادگەھێ ئیفادەیێن وان ھاتن وەرگرتن، ھەر پێنج گومانبارێن ب ناڤێن ف.ا.، ا.ک.، چ.ب.، م.ی. و م.ش. ب داخوازا گرتنێ بۆ دادوەریا سولحێ یا سزای ھاتن شاندن.

ژ گومانباران ا.ک ئیفادەیێن خوەیێن ل ناڤەندا جەندەرمەیان دووبارە کرن و گۆت کو کەسێ ب ناڤێ ف.ا ئەو کوشتن ئەنجامداینە.

لێ ف.ا ژی د ئیفادەیا خوە دا گۆت کو ا.ک ھەر 5 وەلاتی کوشتنە و تەعدا ل وی ھاتیە کرن. پشتی ئیفادەیان دادوەری دەربارێ ف.ا.، ا.ک.، چ.ب. و م.ی بریارا گرتنێ دا و کەسێ ب ناڤێ م.ش ژی ب مەرجێ کۆنترۆلا دادی ھات بەردان.

ل گۆر زانیاریێن ژ دادگەهێ هاتینە بدەست خستن، تۆھمەتبارێ ب ناڤێ ف.ا د ئیفادەیا خوە دا دیارکریەیە کو بەری ئێریشێ ھندەک کەسێن “ژ دەولەتا کوور” گەف ل وی خوارنە داکو ئێریشێ ئەنجام بدە و دبێژە: “من و ا.ک چ دەین نینن. ا.ک ب رێیا کەسێن ب ناڤێن تۆلگا، مەحمەد و ئوگور گەف ل من خوارن. من دەردۆرا 400 ھەزار لیرەیان پارە شاندن، ل بانکەیان وەسلەیێن وان ژی ھەنە. من ب رێیا بانکا «وەسترن یونیۆن» شاندن. ل نسێبینێ دوو جاران تووپ تەقیابوو. گەف  ل من دخوارن کو دێ ل مالا من ژی تووپان بتەقینن. دگۆتن کو ئەو ژ دەولەتا کوورن. ئەڤ پەیام ژ ھەژمارا تەلەفۆنێ یا ا.ک. ل سەر واتسابێ ژ بۆ من دھاتن. پەیام ژ وی جھێ  کو کورێ من لێبوو دشاندن. ژ بۆ کو زەرەر بگهینن زارۆکێن من گەف دکرن، ئەز ژی نەچار دمام کو پارە ژ بۆ وان بشینم.”

ف.ا ئامەژە ب وێ یەکێ دایە کو ئەو رۆژەک بەری ئێریشێ ھاتیە ترکیێ و دبێژە: “رۆژا دن ل سەر ھەژمارا واتسابێ یا ا.ک، ژ کەسەک ب ناڤێ تۆلگا ژ بۆ من پەیامەک ھات. پەیامەک وھا ھاتبوو کو ھوون دێ کەسەک ئیراقی بشەلینن. ژ تەلەفۆنا ا.ک بۆ من ھاتبوو شاندن. دەما من ژ ا.ک پرسی وی ژی گۆت  کو ھەمان پەیام ژ بۆی وی ژی چوویە. ھاتبوو نڤیسین “ئەز دێ ھەری کێم دوو تەرمان ببینم.” پشترا جارەکا دن پەیام ژ بۆ من ھات. گۆت ل بەندا تەیە. ئەز دەمژمێر دەردۆرا 21:30ێ دا چووم هۆلا شاھیانا یا کو ا.ک لێ بوو. دەما ھات چەک لگەل بوو و چەک دا من.”

ف.ا ئیدیعا کر کو ا.ک گۆتیە وی کو ئەو دێ جێبەکا رەش شەلینن و دبێژە: “ا.ک گۆتە من کو ئاماژەیەکێ بدە ئۆتۆمۆبیلێ. من ژی ئامەژە دایێ. ئۆتۆمۆبیل راوەستیا، شۆفێر پەیابوو. ئەز ژی چووم جەم شۆفێر. پشترا ا.ک ھات، دەستپێکێ تەقە ل شۆفێری کر. پشترە ژ ئالیێ راستێ تەقە ل ناڤا ئۆتۆمۆبیلێ کر. پشترا ل ئالیێن دن گەریا. ئەز ژی ب وێ ترسێ،  گۆتە من کو ئەز چانتا ھلدم. من ژی چانتە ھلدا. گۆت من ل کۆشنێ پشتێ سوار بە. وی بخوە ژی تەرم پشکنین کرن. پشترا گۆتە من جلکان باڤێژە کێلەکا رێکێ. ئەز ناڤێ گوندی نزانم، تەنێ د ناڤا وان دە 300 لیرە دەرکەتن، ئەو ژی عەبدوللا برن. من چ تشتەک نەبر. پشترا ئەم چووین قۆسەر، مێردین، مدیاتێ و پشترا جارەکا دن ئەم چووین نسێبینێ. پشترا دەردۆرا 2:300ێ دا ئەز ل سەر رێیێن ئاسنی پەیا کرم،. چەک ل جەم ا.ک بوو. پشتی بوویەرێ گۆتە من دانە بن کۆشنی، من ژی ل سەر داخوازا وی چەک دانا و پشترا من دەست نەدا چەکێ.”

تۆھمەتبار ا.ک ژی ئیفادەیێن خوە یێن ل ناڤەندا جەندەرمەیان دووبارە کرن و ئیدیعا کر کو ف.ا ئەو کوشتن ئەنجامداینە و گۆت: “دەما ف.ا ژ ئیراقێ ھاتی، ئەم ل مالا ھەڤالێ من یێ چ. کۆمبووین. رۆژا کو بوویەر پێکھاتیە، ئەم ل مالا ھەڤالێ من یێ چ. جڤیان. من و ف.ا دەین ھەبوون. مە بریار دا کو ئەم ئەو کەسێن ژ ئیراقێ دهێن بشەلینن. من شۆفێریا ئۆتۆمۆبیلێ کر، مە ئۆتۆمۆبیلەکا رەش یا ژ رێزێ شۆپاند. من چەک ژی نەخست دەستێ خوە. ئەز سپێدێ ھاتم مالێ، مالباتا من تەلەفۆنا من کر و گۆتن ب سەر مالێ دا گرتنە. پشترا ئەم ھاتین دەستەسەرکرن.”

تۆھمەتبار ا.ک دەربارێ ئەو کەسێن کو ف.ا وەک کەسێن ژ “دەولەتا کوور” ب ناڤ دکرن دا ژی گۆت: “مژارا تۆلگا، ئوگور و مەحمەد کو د ئیفادەیێن ف.ا دا دەرباس دبت راستە. ئەڤە ئەو کەسن کو من د خەیالا خوە دا چێکرنە.”

پشتی ئیفادەیێ دادوەری دەربارێ کەسێن ب ناڤێن ف.ا، ا.ک و م.ی ب تۆھمەتا: “شەلاندنا شەڤێ یان ژی ڤەشارتنا دەلیلێن تاوانەکا دن یان ژی کوشتنا ب ئارمانجا کو نەیێ دەستەسەکرن” بریارا گرتنێ دا. دەربارێ تاوانبارێ ب ناڤێ چ.ب ژی ب تۆھمەتا  “ڤەشارتنا تاوانێ” بریارا گرتنێ دا.

گومانبارێ دن یێ ب ناڤێ م.ش ژی د ئیفادەیا خوە یا ل دادوەریێ دا دیار کر کو ئەو رۆژا بوویەرێ ب ستفە ل جھێ بوویەرێ  بوویە، پشتی ئیفادەیێ م.ش ژی ب مەرجێ کۆنترۆلا دادی ھات ئازادکرن.

شەڤا 18 ل سەر 19ێ چلەیێ ڤە د دەمژمێر دەردۆرا 01:00 دا ئۆتۆمۆبیلا وەلاتیێن باشوورێ کوردستانێ کو 5 کەسێن ژ 2 مالباتان تێدابوون و ژ دھۆکێ بەر ب ئامەدێ ڤە دچوو، ل سەر رێیا ئارتوکلو-مێردینێ ھاتبوو راوەستاندن و ھەر 5 کەسێن د ئۆتۆمۆبیلێ دا ھاتبوون گولـلەباران کرن.

د ئێریشێ دە عەبدوللا سالح موستەفا (69) سالی، ھەڤژینا وی چیمەن شاھین خالد و کەچا وان ھندرین عەبدوللا سالح (39) سالی ل جھێ بوویەرێ جانێ خوە ژ دەست دابوون. وەحیدا حەیدەر جاسم (63) سالی و کورێ وێ ئەحمەد جەلالەددین ئیبراھیم (45) سالی ژی ب گرانی بریندار ببوون و بۆ نەخوەشخانەیێ ھاتبوون راکرن، لێ سەرەرای تەڤ ھەولدانان وان ژی جانێ خوە ژ دەست دابوون.

دەمەک کورت پشتی بوویەرێ 4 کەس و پشترا ژی 2 کەسێن دن دەربارێ بوویەرێ دا وەکە گومانبار ھاتبوون دەستسەرکرن.

بەرپرسێن ھەرێما کوردستانێ د داخویانیێن خوە دا بانگ ل ئالیێن پەیوەندیداریێن ترکیێ کربوون کو دەملدەست بوویەرێ زەلال بکن.

پوستێن ھەمان بەش