رێخستنا پهكهكێ كو ههر رۆژ ناسنامهیا كۆمێن زارۆك و جوانێن كوردان یێن د سالێن بهرێ ده هاتنه فهدا كرن ئیفشا دكه، ناڤێ 3 چهكداران ئیلان كر كو مرنا وان 7 سالان ڤهشارتی هشتبوو.
ههپهگێ باسكێ لهشكهری یێ پهكهكێ رۆژا 21/1/2023ێ ناڤێ 3 چهكدارێن خوه دو ژێ زارۆك ئهشكهره كر كو ل سالا 2016ێ ل باكور و باشوورێ كوردستانێ كهتنه بهر ئێریشێن دهولهتا ترك و ژیانا خوه ژ دهست دانه، ههپهگێ 7 سالان مرنا ڤان زارۆكان ل مالباتێن وان ڤهشارتبوو.
ناڤێن وان وسانه:
جهنگیز یلماز ژ جۆلهمێرگێ.
یهعقووب ئاسلان ژ ئاگریێ.
مهروان تاشدهمیر ژ مووشێ.
ههپهگێ دیسا د پهسنێ ڤان زارۆكان ده ب رووقایمی گۆتیه ئهو لاییقی ئاپۆ و رێبهرتیێ دهركهتن!.
پارتیا كاركهرێن كوردستانێ كو بوویه پارتییا كوشتنا زارۆكێن كوردان، ههر رۆژ بێ ناڤبر وێنهیێن كۆمێن كهچ، زارۆك و جوانێن كوردان د مهدیایا خوه ده پارڤهدكه، یێن كو هێژان د زارۆكتیێ ده ژ دهریێن دبستانان و دهریێن مالێن وان رهڤاندنه و دانه كوشتن، پاش دهرباسبوونا چهند سالان ژی ژ نوو ڤه تێ و دبێژه مه ئهو وهندا كرن.
