ل مێردینێ دەربارێ لێپرسینا بوویەرا کوشتنا پێنج وەلاتیێن دوھۆکی دە ب سەرپەرەشتیا پارێزگارێ مێردینێ مەحموود دەمیرتاش کۆمیسیۆنەک ھات ئاڤاکرن. ل گۆری زانیاران، تۆمەتبارێن سەرەکی ف.ا و ا.ک بەرێ ژی تەڤلی ھندەک تاوانێن دن بوونە.
ژ ئالیێ سەردۆزگەریا کۆماری یا مێردینێ ڤە لێپرسینا دەربارێ بوویەرا کوشتنا ھەر پێنج وەلاتیێن دوھۆکی دا ب بەرفرەھی بەردەوام دکە. ب سەرپەرەشتیا پارێزگارێ مێردینێ مەحموود دەمیرتاش کۆمیسیۆنەک ھات ئاڤاکرن و بوویەر ب ھەموو ھورگلیێن خوە دهێت لێکۆلینکرن.
ل گۆری زانیاریان، ھەر دو تۆمەتبارێن سەرەکی ف.ا وا.ک ژ بەرێ ژی ھندەک تاوان ئەنجام داینە و هاتنە تۆمارکرن.
ژ ئالیێ سەردۆزگەریێ ڤە لێپرسین تێ بەرفرەھکرن و دەربارێ تۆمەتباران دە زانیاری تێنە بەرھەڤکرن. ل گۆری زانیاریان، دبە کو سەردۆزگەری پەیامێن واتساپێ یێن د ناڤبەرا تۆمەتباران دە ژ ئامەریکایێ بخوازە و ھەگەر نڤیس ژ مۆبیل تەلەفۆنان ھاتبن ژێبرین ژی دێ بێنە بدەستخستن.
د 19ێ رێبەندانێ دا د ئێرشەکا چەکداری دا سێ ژێ ژن پێنج وەلاتیێن ژ پارێزگەھا دوھۆکا ھەرێما کوردستانێ ل سەر رێیا نسێبین و مێردینێ ھاتبوون کوشتن.
دەربارێ بوویەرێ دە ھەفت کەس ھاتبوون دەستەسەرکرن. ژ ھەفت تۆمەتباران 3 کەس ب مەرج ھاتبوون بەردان و یەک ژێ ژن 4 کەس ھاتبوون گرتن. تۆمەتبار ل خوە مکورھاتبوون کو وان ھەر پێنج وەلاتی کوشتنە.
لێپرسینا دەربارێ بوویەرێ دە ب بەرفرەھی بەردەوام دکە.
