8 سال ل سەر رزگارکرنا کۆبانێ دەرباس دبن

8 سال ل سەر رزگارکرنا کۆبانێ دەرباس دبن

ئیرۆ 26ێ چلەیا 2023ێ سالڤەگەرا رزگارکرنا باژارێ کۆبانێ یێ رۆژاڤایێ کوردستانێیە، کو د سالا 2014ێ دا راستی ئێریشەکا توندا داعشێ ھاتبوو و بەشەک مەزن ژ وێ ھەرێمێ ھاتبوو داگیرکرن

د ئیلۆنا 2014ێ دا چەکدارێن داعشێ ب تەڤاھیا کارینێن خوە ئێریشی سەر ھەرێما کۆبانێ کرن. د دەستپێکا دا، داعشێ دۆرا 350 گوندێن کۆبانی کۆنترۆل بکن کو د ئەنجامێ دا نێزیکی 400 ھەزار کەس دەربەدەر بوون و بەرێن خوە دان باژارێن باکورێ کوردستانێ.

ئێریشێن داعشێ رۆژ ب رۆژێ زێدەتر دبوون و رووبەرا کۆنترۆلا وان ژی بەرفرەھ دبوو و ھەول ددان خوە بگهینن ناڤەندا باژارێ کۆبانی.

ژ بەر لاوازبوونا شیانێن ھێزێن یەپەگێ ل کۆبانێ د وێ دەمێ دا و زێدەبوونا مەترسیا داعشێ ل سەر باژارێن رۆژئاڤایێ کوردستانێ، سەرۆک مەسوود بارزانی بریارا پشتەڤانیا کۆبانێ دا و ل سەر فەرمانا وی، پارلامەنتۆیا کوردستانێ رۆژا 22یێ جۆتمەھا 2014ێ بریارا شاندنا چەک و پێشمەرگە ژ بۆ کۆبانیێ دا. ھێزێن پێشمەرگە ژی ژ ھەرێما کوردستانێ دەرباسی باکورێ کوردستانێ بوون، ژ ور ڤە ژی رۆژا 28ێ جۆتمەھا 2014ێ دەرباسی کۆبانێ بوون و دەستەک دان بەرەڤانیا ل کۆبانێ.

پێشمەرگە و ھێزێن کوردی دۆرپێچا ل سەر کۆبانێ شکاندن و کارین باژارێ کۆبانێ و ھەژمارەکە مەزن ژ گوندێن دەردۆرا وێ ژ دەستێ داعش ب تەمامی دەرخن و د 26ی چلەیا 2015ێ دا سەرکەفتنا خوە راگھاندن.

پوستێن ھەمان بەش