رێخستنا پەکەکێ کارێن خوە یێن دژە مرۆڤاهی ل باشوورێ کوردستانێ بەردەوام دکە، هەری داوی ژی 17 تەلیسێن حەبێن مەترسیدار دەرباسی باژارۆکێ پێنجوین کرنە.
چاڤکانیێن پێگەها «دارکا مازی» ئەشکەرە کرن، چەکدارەکی پەکەکێ یێ ب ناڤێ «مەهدی» ل دەستپێکا مەها 10/2022ێ زێدەتری 17 تەلیسێن 50 کیلۆیی یێن جورەکێ حەبێن مەترسیدار ب ئالیکاریا YRKێ ڤەگوهەستینە پێنجوینێ.
ل گۆر زانیاریێن تایبەت یێن پێگەها «دارکا مازی»، کەسکی ب ناڤێ «سەرهلدان» کو بەرپرسێ داراییی یێ YRKێ یە ل باژارۆکێ پێنجوین هەڤالەکی خوە ئاگاهادار کریە هندەک تشت هەنە ل جەم کەسەکی ب ناڤێ «مەهدی» ل باژارۆکێ چارقورنە و دڤێ هەری زوو ئەو تشت وەرن ڤەگوهەستن بۆ باژارۆکێ پێنجوین.
ل گۆر ئاگاهیێن دارکا مازی، ل سەر داخوازا «سەرهلدان» هەڤالێ وی چوویە باژارۆکێ چارقورنە و ئەو تشت “17 تەلیسێن حەبان” وەرگرتنە و ژ بۆی باژارۆکێ پێنجوین ڤەگوهاستنە.
زانیاریێن پێگەها «دارکا مازی» ووسا ددن خویاکرن کو حەبێن هاتیە ڤەگوهاستن ژ جورەیێ Pseudoephedrine بوونە کو ژ بۆی دروستکرنا ماددێ هۆشبەر ژ جورێ “کریستال” تێن بکارئانین.