د بیلانچۆیا 23 رۆژان یا ئێرشێن ئارتێشا ترکیێ ده ل سه‌ر رۆژئاڤا كوردستانێ، 42 گوند و نوقته هاتنه بۆمبه‌باران كرن، هه‌سه‌ده دبێژه 4 وه‌لاتییان وان ژیانا خوه ژ ده‌ست دا نه و 11 له‌شكه‌رێن ره‌ژیما سووریێ بریندار بوونه.
ئارتێشا ده‌وله‌تا ترك د 23 رۆژان دە ب چەکێن گران و بالافرێن بێمرۆڤ، ئێرشی 42 گوند و نوقتەیێن ل رۆژئاڤا كوردستانێ و هه‌رێمێن ل باکور و رۆژهلاتێ سووریێ کر، د ئەنجامێ دە 4 وەلاتییان ژیانا خوه ژ ده‌ست دا نه و 11 لەشکەرێن حکومەتا شامێ بریندار بوونه.
ل گۆری ئاگاهیێن كو هه‌سه‌دێ پارڤه‌كرنه، ئارتێشا ده‌وله‌تا ترك 42 گوند ل عه‌ین عیسا، ئەفرین-شەهبا، تل ته‌مر و كۆبانێ ئه‌نجام دا نه و زرارێن مەزن ب مال و ملکێن خه‌لكێ كه‌تنه.
هه‌سه‌دێ گۆتیه كو شه‌رڤانه‌كی وان د ڤان ئێریشان ده ژیانا خوه ژ ده‌ست دا و 2 بریندار بوونه، لێ به‌لێ ده‌وله‌تا ترك دبێژه د ڤان ئێریشان ده ب ده‌هان شه‌رڤان هاتنه كوشتن.
