جڤینا پۆلیتبورۆیێن پارتیا دەمۆکراتا کوردستانێ (پەدەکێ) و یەکیتیا نشتمانییا کوردستانێ (یەنەکێ) ل سلێمانیێ بۆ داوی بوو و پشتی جڤینێ داخویانیەکا ھەڤبەش ھات بەلاڤکرن.
داخویانیا پۆلیتبورۆیێن پەدەکێ و یەنەکێ وھایە:
ب مەبەستا گۆتووبێژکرنا ئەشکەرەیا ل سەر ھەموو وان مژارێن ب رەوشا سیاسییا ھەرێما کوردستانێ و دانووستاندنا فکر و رامانان و ھەلوەستێن ل سەر چەند مژارێن گرینگ ڤە گرێدایی نە، شاندێن بلندێن ھەردو پۆلیتبورۆیێن پارتیا دەمۆکراتا کوردستانێ (پەدەکێ) و یەکیتیا نشتمانییا کوردستانێ (یەنەکێ) ل بارەگەھا پۆلیتبورۆیا یەنەکێ یا ل سلێمانیێ، ئیرۆ 28/1/2023یێ جڤیان.
رەوشا گشتی و ھەڤکێشەیێن ناڤخوە و ناڤچەیێ و فکر و رامان و تێبینیێن ھەردو ئالیان ل سەر بابەتێن جودا جودایێن گرێدایی رێکەفتنا بەرێ یا ھەردو ئالیان ھاتن گۆتووبێژکرن.
د داویێ دا ھەردو ئالیان ل ھەڤ کرن کو د دەرفەتەکا نێزیک دا جڤینەکا دن یا ھەردو شاندان ئەنجام بدن.
یەکیتیا نشتمانییا کوردستانێ
پارتیا دەمۆکراتا کوردستانێ
