ته‌ڤگه‌را جوانێن شۆره‌شگه‌ر یا سه‌ر ب په‌كه‌كێ ڤه، 49 زارۆكێن دن ره‌ڤاندن و ب دارێ زۆرێ ته‌ڤلی باسكێن په‌كه‌كێ یێن ل رۆژئاڤا كوردستانێ كرنه.
رێخستنا «سووریه ژ بۆ راستی و دادپه‌روه‌ری» كو رێخستنەکە مافێن مرۆڤانه، 49 حالەتێن لەشکەرکرنا زارۆکان ل هەرێمێن د بن کۆنترۆلا رێڤەبەریا خوەسەر دە ل باکور و رۆژهلاتێ سووریێ، ل داوییا سالا 2022ێ، ل سەر دەستێ تەڤگەرا «جوانێن شۆرەشگەر» بەلگە کرنه.
ڤێ رێخستنا مافێن مرۆڤان د راپۆره‌كێ ده كو رۆژا ئینی 27/1/2023 پارڤه‌كرییه گۆتییه كو ته‌ڤگه‌را جوانێن شۆره‌شگه‌ر زارۆكان ل به‌ر چاڤێن رێڤه‌به‌رییا خوه‌سه‌ر د ره‌ڤینه و وان ب دارێ زۆرێ ته‌ڤلی هێزێن چه‌كدار دكه و د شه‌ران ده ب كار تینه.
هه‌روه‌ها ده‌ستنیشان كر، رێڤه‌به‌رییا خوه‌سه‌ر ت هه‌وله‌ك ژ بۆ سینۆرداركرنا ڤان ته‌وانێن ته‌ڤگه‌را جوانێن شۆره‌شگه‌ر، نه ئاڤێتییه.
هێزێن سووریا دەمۆکراتیک و رێڤەبەریا خوەسەر ژ بۆ راوەستاندنا لەشکەرکرنا زارۆكان سۆز ب هه‌ڤپه‌یمانییا ناڤده‌وله‌تی دابوو و په‌یمانه‌كه ئیمزه كرنه، لێ به‌لێ هێژان جوانێن شۆره‌شگه‌ر ب ته‌علیماتێن راسته راست یێن جه‌میل باییك و سه‌رپه‌رشتییا جه‌نه‌رال مه‌زلووم زارۆكێن كوردان د ره‌ڤینه و وان د شه‌ران ده ب كار تینن.
