ل باشیکێ ب هەشت مووشەکان ئێریشی بارەگەها سەربازی یا ترکیێ هات کرن

دژە تەرۆرا کوردستانێ راگهاند، ڤێ سبێ هەشت مووشەک ئاراستەیی بارەگەها سەربازی یا ترکیێ یا ل زێلکانێ یا ل باشیکێ هاتن کرن.

ئیرۆ چارشەمێ 1ێ سباتا 2023ان، دژە تەرۆرا کوردستانێ د داخویانیەکێ دە راگهاند، ڤێ سبێ د دەمژمێر 07:45 خولەکان دە، هەشت مووشەک ئاراستەیی سەربازگەها زێلکان یا ل ناحیا باشیکێ یا سەر پارێزگەها نەینەوایێ هاتن کرن، کو هێزێن ئارتێشا ترکیێ تێ دەنە.

ل گۆر داخویانیا دژە تەرۆرا کوردستانێ، دو ژ وان مووشەکان ل ناڤ سەربازگەهێ کەتنە خوارێ و مووشەکێن دن ل دەردۆرا سەربازگەهێ کەتنە.

دەربارێ زیانێن ئێریشا مووشەکی یا ل سەر بارەگەها سەربازی یا زێلکانێ دە، دژە تەرۆرا کوردستانێ دداخویانیا خوە دە ئەشکەرە کریە: «د ئێریشا مووشەکی دە ت زیانەکی جانی دەرنەکەتیە هۆلێ».