19 سال د سەر تەقینێن خوه‌كوژی یێن 1ێ سباتا 2004ێ رە دەرباس بوون، ب ئامادەبوونا سەرۆکوەزیرێ هەرێما کوردستانێ مەسروور بارزانی ژی، مەراسیما بیرانینا شەهیدێن ڤێ كاره‌ساتێ هاتن لدارخستن.
ئیرۆ چارشەمێ 1ێ سباتا 2023ان، 19 سال د سەر تەقینێن 1ێ سباتا 2004ان رە دەرباس دبە، کو بارەگەهێن لقا 2 یا پارتیا دەمۆکراتا کوردستانێ (په‌ده‌كێ) و مەلبەندا 3 یا یەکیتیا نشتمانی یا کوردستانێ (یه‌نه‌كێ) یێن ل هەولێرێ ب رێیا دو کریارێن خوەکوژیێ ڤە هاتن تەقاندن و ژ بەر وێ، 103 کەس شەهدید بوون و هەژمارەک کەس ژی بریندار بوون.
ئیرۆ د دەمژمێر 09:30 خولەکان دە ب ئامادەبوونا سەرۆکوەزیرێ هەرێما کوردستانێ مەسروور بارزانی، مەراسیما بیرئانینا شەهیدێن 1ێ سباتێ ل باژارێ هەولێرێ هاتن لدارخستن.
