پاسا کو ژ ئامەدێ دچوو بۆدرومێ وه‌رگه‌ریا: 8 مری، 35 بریندار

Amed-bodrom-kurdistan-turkey (2)

ل باژارێ ئافیۆنێ یێ ترکیێ پاسا کو ژ پارێزگەها ئامەدێ بەر ب باژارێ بۆدرومێ ڤه‌ دچوو وەرگەریا و د ئەنجامێ دە 8 کەسان جانێ خوە ژ دەست دان و 35 کەس ژی بریندار بوون.

ئیرۆ یەکشەمبێ 5ێ سباتا 2023ێ ل باژارێ ئافیۆنێ ئۆتۆبووسا ڤەگوهەستنا رێڤینگان کو ژ پارێزگەها ئامەدێ یا باکورێ کوردستانێ بەر ب باژارێ بۆدرومێ ڤه‌ دچوو وەرگەریا و ل گۆر زانیاریێن دەستپێکێ هاتبوو راگهاندن، د بوویەرێ دە 6 کەسان جانێ خوە ژ دەست دابوون و 36 کەس بریندار بووبوون.

پشتی رزگارکرنا 3 کەسێن ئاسێ مایی هەژمارا کەسێن جانێ خوە ژ دەستانە گهیشتە 8 کەسان و 35 کەس ژی بریندار بوونە.

ل گۆر زانیاریێن هاتنە بەلاڤکرن، پشتی ئاگاهدارکرنێ تیمێن بەرەڤانیا سڤیل، تەندروستی و پۆلیس بۆ جهێ بوویەرێ هاتنە شاندن، لێ هەتا نها دەربارێ رەوشا تەندروستی یا برینداران دە ت هوورگلی نەهاتنە بەلاڤکرن.

پوستێن ھەمان بەش