ل چیایێ کورمێنج یێ سەر ب پارێزگەها لازقیێ ڤە، شەر و پەڤچوونێن گران د ناڤبەرا گرووپێن چەکدار یێن سەر ب ترکیێ و هێزێن حکوومەتا سووریێ دە دەرکەتن، ل گۆر چاڤکانیێن خوەجهی ژ هەردو ئالیان 13 کەس هاتنە کوشتن.
گرووپا ب ناڤێ لیوا ئۆسمان بن عەفان یا سەر ب دەستەیا تەحریر ئەل-شام ل دژی بنکەیێن سەربازی یێن ئارتێشا سووریێ ئێریشەک پێک ئانینە. چاڤکانیێن خوەجهی دبێژن، د وان شەر و پەڤچوونان دە 13 کەس هاتنە کوشتن کو 6 ژ وان چەکدارێن دەستەیا تەحریر ئەل-شام بوونە.
ئێریشا گرووپێن چەکدار پشتی وێ یەکێ تێ کو ترکیێ د چارچۆڤەیا جیبجیهکرنا رێکەفتنا ل گەل هێزێن رووسیایێ دە هێزێن خوە ژ باژارۆکێ قەستوون یێ رۆژئاڤایێ حەمایێ بەر ب باکور ڤە ڤەگوهەستنە.
