ل سووریێ و رۆژئاڤایێ کوردستانێ د ئەردهەژێ دە هەژمارەکە زێدە یا مری و برینداران هەنە

ئەردهەژا ب پلەیا 7.4 کو ناڤەندا وێ پارێزگەها مه‌ره‌ش یا باکورێ کوردستانێ بوو، ل سووریێ و رۆژئاڤایێ کوردستانێ ژی بوو سەدەما وێرانیێ. ل گۆری ئاگاهیێن دەستپێکێ، ژ بەر ئەردهەژێ 99 کەسان جانێ خوە ژ دەست دانە و زێدەتری 200 کەسان ژی بریندار بوونە.

ل مه‌ره‌شێ سەرێ سبێ د دەمژمێر 04.17ان دە ب پلەیا 7،4 ئەردهەژەک پێک هات. پاشێ ل دیلۆکێ دو ئەردهەژێن دن یێن 6،5 و 6،4 چێبوون.

ئەردهەژا کو ل هاتای، ئەدەنە، دیلۆک، مەلەتی، کلس، سەمسوور، ئامەد، رها و ئۆسمانیێ بوو سەدەما وێرانیێ، ل سووریە، رۆژئاڤایێ کوردستانێ، هەرێما کوردستانێ، هەر وها ل لوبنان و مسرێ باندۆر کر.

ئەردهەژا کو ل سووریێ و رۆژئاڤایێ کوردستانێ ب توندی هات هیسکرن بوو سەدەما هلوەشینا ئاڤاهیان.

هاتە دیارکرن کو ل عەفرین، حەلەب و حەمایێ ئاڤاهی هلوەشیانە. ل گۆر زانیاریێن دەستپێکێ 99 کەسان جانێ خوە ژ دەست دانە و زێدەتری 300 کەسان ژی بریندار بوونە.

ژ بەر ئەردهەژێ ل هەولێرا پایتەخت و هەر وها ل پایتەختێ ئیراقێ بەغدا و دیالایێ ژی هات هیسکرن، خەلکێ ژ ترسا ئەولەهیا جانێن خوە، ژ مالێن خوە دەرکەتن.