ئامارێن نوو یێن قوربانیێن ئەردهەژا ل ترکیە و باکورێ کوردستانێ هاتن راگهاندن

رێڤەبریا رەوشا بلەز و کارەساتان (ئافاد) راگهاند، هەتا نها 3 هەزار و 432 کەسان د ئەنجاما ئەردهەژێ دە جانێ خوە ژ دەست دانە و 21 هەزار و 103 کەس ژی بریندارن.

ل گۆری زانیاریێن ئافادێ، ل مەرەش، هاتای، ئۆسمانیە، ئادیامان، دیلۆک، رها، ئامه‌دێ، مەلەتی، کلیس و ئەدەنەیێ ژ بەر ئەردهەژێ، 3 هەزار و 432 کەسان جانێ خوە ژ دەست دانە، 21 هەزار، 103 کەس ژی بریندار بوونە و 6 هەزار و 217 ئاڤاهی هلوەشیانە.

دوهی ل ناڤچەیا پازارجکا مەرەشێ ئەردهەژەک ب هێزا 7،7 ل گۆری پیڤەرا رێختەرێ روو دابوون. د پشترە ژی 183 ئەردهەژێن دن چێبوون کو یا هەری بهێز 6.6 بوو. هەر وها د دەمژمێر 13.24ان دە ئەردهەژەک دن ب هێزا 7.6 کو ناڤەندا وێ ئەلبیستانێ بوو روو دا.

ل هەرێما ئەردهەژێ رەوشا ئاوارتە هات راگهاندن. د چارچۆڤەیا پلانا رەوشا بلەز و کارەساتان یا ترکیێ دە ژی هشداریا ئاستا 4ەمین هات دایین.