سەرۆکوەزیرێ هەرێما کوردستانێ مەسروور بارزانی ب تەلەفۆنێ ب وەزیرێ دەرڤەیێ ترکیێ مەولوود چاویشئۆگلو رە ئاخڤی و دیار کر کو هەرێما کوردستانێ ئامادەیە د ئەردهەژێ دە ئالیکاریا ترکیێ بکە.
د ئەردهەژێن ب هێزا 7،7 و 7،6ان دە کو ناڤەندا وێ بازارجخ و ئەلبستانا ناڤچەیێن مەرەشێ بوو و ل 10 پارێزگەهان خسارەکە مەزن چێکر، هەژمارا کەسێن کو جانێ خوە ژ دەست دانە گههشت 4 هەزار و 544 كهسان و 26 هەزار و 286 کەس ژی بریندار بوون.
سەرۆکوەزیر مەسروور بارزانی د پێوەندیا تەلەفۆنی یا ب چاویشئۆگلو دە سەرساخی ژ مالباتێن کەسێن کو د ئەردهەژێ دە جانێ خوە ژ دەست دانە خوەست، ژ برینداران رە شیفا خێرێ خوەست.
ل گۆری داخویانیا حکوومەتێ، سەرۆکوەزیر مەسروور بارزانی راگهاندیە کو «هەرێما کوردستانێ ئامادەیە ئالیکاریا مەخدوورێن ئەردهەژێ بکە».
وەزیرێ دەرڤەیێ ترکیێ چاویشئۆگلو سپاسیا حکوومەتا هەرێما کوردستانێ کر ژ بۆ ئالیکاریان.