هەژمارا قوربانیێن ئەردهەژا ل باکورێ کوردستانێ و ترکیێ بلند دبە

Amar-Erdhej-1

هەژمارا قوربانیێن ئەردهەژێن ل باکورێ کوردستانێ و ترکیێ زێدە بوو و 76 وەلاتان ئامادەبوونا خوە بۆ شاندنا تیمێن رزگارکرنێ نیشان دانە.

ل گۆری ئامارێن رێڤەبریا رەوشا بلەز و کارەساتان (ئافاد)، هەتا نها د ئەردهەژا ل مەرەش، دیلۆک، شانيلورفا، ئامه‌د، ئەدەنە، ئادیامان، ئۆسمانیە، هاتای، کلیس، مەلەتی و ئەلەزیزێ دە، هەژمارا کەسێن جانێ خوە ژ دەست دانە گه‌هشت 6 هەزار و 234 کەسان و 37 هەزار و 11 کەس ژی بریندار بوونە.

هەر وها هەژمارا خانی و ئاڤاهیێن كو هلوەشیانە ژی، 5 هەزار و 775 ئاڤاهی نه‌.

هەتا نها 76 وەلاتان ئامادەبوونا خوە بۆ شاندنا تیمێن ئالیکاریێ بۆ زیانڤێكه‌فتییان نیشان دانە و زێدەتری 3 هەزار کەس ژی بۆ ئالیکاریێ گهیشتنە ترکیێ.

د ڤێ ناڤبەرێ دە سەرۆکۆمار رەجەپ تایییپ ئەردۆگان ل هەرێمێن ئەردهەژ لێ روو دانە، ژ بۆ 3 مەهان رەوشا ئاوارتە راگهاند.

حکوومەتا هەرێما کوردستانێ ژ بلی شاندنا 25 ئامبوولانسان بۆ رزگارکرنا زیانڤێكه‌فتیێن ئەردهەژێ، تیمەکە پسپۆر د وارێ ئالیکاریێن مرۆڤی دە شاندیە ناڤچەیێن ئەردهەژێ. هەر وها دەزگەها خێرخوازی یا بارزانی ژی ئالیکاریێن مرۆڤی گهاندنە باکورێ کوردستانێ.

پوستێن ھەمان بەش