بەرپرسێ دائیرەیا تێکلیێن دەرڤه یا حكوومه‌تا هەرێما کوردستانێ، دەر بارێ ئەکیبا ئالیکاریێ دا کو شاندنە ترکیێ داخویاند کو چقاس هەوجە بکە ئەوێ ل ور بمینن و وها گۆت: “چ ژ دەستێ مە بێ ئەم ئامادەنە بکن، ئەڤ مژارەکە مرۆڤی یە”.
سەفین دزه‌یی ل سەر ناڤێ گەل و حکوومەتا هه‌رێما كوردستانێ سەرساخی دا گەلێ ترکیێ و باكورێ كوردستانێ و گۆت: “رەحما خوەدێ ل مریان بە، خوەدێ شیفایێ بدە برینداران”.
دەر بارێ ئەکیبا ئالیکاریێ یا کو حكوومه‌تا هه‌رێما كوردستانێ شاندیە باكورێ كوردستانێ دزه‌یی وها گۆت: “ب تەعلیماتا برێز سەرۆکوەزیر مەسروور بارزانی ئامادەهی هاتن کرن، ئالیکاریا پزیشكی، مرۆڤی و ئەکیبا لێگەرینێ هاتن شاندن”.
دزه‌یی ئاگاهیێن وها دا: “ئەکیبا كو ژ 150 کەسان پێک تێ ل ئیسلاحیه یا ناڤچەیا دیلۆكێ یه، هەم لێگەرینێ دکن و هەم ژی خزمەتا تەندورستیێ ددن، ده‌زگه‌ها خێرخوازی یا بارزانی ژی ل ور پشتگریا ئالیکاریێ دکە”.
دزه‌یی گۆت: “ئەکیبا کو وان شاندیە ژ 35 ئامبولانس و 55-60 وەساییتان پێک تێ، چقاس هەوجە بکە وێ ل باكورێ كوردستانێ بمینە، چ ژ دەستێ مە بێ ئەم ئامادەنە بکن، ئەڤ مژارەکە مرۆڤی یە”.
دزه‌یی گۆت نیەتا وان هەیە ئەو ژ بۆ عەفرینێ ژی ئالیکاریێ بشینن.
