ل دیلۆکێ 3 کەس پشتی 76 دەمژمێران ژ بن کاڤلان ھاتن رزگارکرن

ل دیلۆکێ 3 کەس پشتی 76 دەمژمێران ژ بن کاڤلان ھاتن رزگارکرن

ل باژارێ دیلۆکێ یێ باکورێ کوردستانێ، 3 کەس پشتی 76 دەمژمێران، ب ساخی ژ بن کاڤلێن ئەردھەژێ ھاتن رزگارکرن.

ل دیلۆک و باژار و ھەرێمێن دنێن ژ ئەردھەژێ ب باندۆر بوونە، خەباتێن رزگارکرنا مالباتێن د بن کاڤلێن ئەردھەژێ دا مانە بەردەوام دکن.

د ڤێ دەربارێ دا، تیمێن رزگارکرنێ ئیرۆ دانێ سپیدێ، پشتی 76 دەمژمێران ژ روودانا ئەردھەژێ، 3 کەس ل باژارێ دیلۆکێ ژ بن کاڤلان دەرخستن و برن نەخوەشخانەیێ.

ل گۆری ئامارێن فەرمی، ژ بەر ئەردھەژێ و ھلوەشینا ئاڤاھیان ھەتا نھا ل دیلۆکێ 551 کەسان جانێ خوە ژ دەست دانە و ھێژ گەلەک کەس ژی د بن کاڤلان دا مانە.

سبەھا 6ێ شوباتا 2023یێ ل ناڤچەیا پازارجخا مەرەشێ 2 ئەردھەژێن ب ھێزا 7.7 و 7.6 روو دابوون. ژ بەر ئەردھەژێ ل باژارێن باکورێ کوردستانێ و ترکیێ، 12 ھەزار و 914 کەسان جانێ خوە ژ دەست دان و 62 ھەزار و 914 کەس ژی بریندار بوون.

پوستێن ھەمان بەش