سەرۆکكۆمارێ ترکیێ رەجەب تاییب ئەردۆگان سپاسیا سەرۆک مەسعوود بارزانی و هەرێما کوردستانێ کر ژ بۆ هەڤخەمی و هەڤسۆزیا ل گەل گەلێ ترکیێ و مالباتێن قوربانیێن ئەردهەژێ.
ئیرۆ پێنجشەمێ 9ێ سباتا 2023ان د پێوەندیەکە تەلەفۆنی دە سەرۆکكۆمارێ ترکیێ رەجەب تاییب ئەردۆگان سپاسیا سەرۆک مەسعوود بارزانی و هەرێما کوردستانێ کر ژ بۆ هەڤخەمی و هەڤسۆزیا ل گەل گەلێ ترکیێ و مالباتێن قوربانیێن ئەردهەژا ڤێ داویێ.
سبەها 6ێ سباتا 2023ان ل ناڤچەیا پازارجخا مەرەشێ 2 ئەردهەژێن ب هێزا 7،7 و 7،6 روو دابوون و ل گۆری ئامارێن داوی، ل ترکیە و باکورێ کوردستانێ 12 هەزار و 914 کەسان جانێ خوە ژ دەست دان و 62 هەزار و 914 کەس ژی بریندار بوون.
سەرۆک مەسعوود بارزانی ژی هەڤخەمیا خوە ل گەل مالباتێن قوربانیێن ئەردهەژا ل ترکیە و سووریێ نیشان دابوو و هێڤیا باشبوونێ ژی ژ برینداران رە خوەستبوو.
هەر وها ل ژێر رێنمایێن سەرۆکوەزیرێ هەرێما کوردستانێ مەسروور بارزانی و سەرۆکێ دەستەیا دامەزرێنەرا دەزگەها خێرخوازی یا بارزانی، تیمێن هاوارهاتنێ یێن دەزگەها خێرخوازی یا بارزانی ژ بۆ ئالیکاریا زیاندیتیێن ئەردهەژێ، دەرباسی باکورێ کوردستانێ و ترکیێ بوونە.
