ئەنجوومەنا خوەجهی یا جندرێسێ بانگ دکە کو هەتا نها نێزیکی 90 مالبات د بن کاڤلێن هلوهشیایی دە مانە و نێزیکی 2700 مالبات بێ جهـ وار مانە.
ئۆدەیا ئۆپەراسیۆنێن کارەساتێ یا ئەنجوومەنا خوەجهی یا جندرێسێ راگهاند، ل باژێر کو 115 هەزار کەس لێ دژین و پرانیا وان د بن ئاستا هەژاریێ دە نە، ژ ئەنجاما ئەردهەژا كو روو دایە، رەوشا مرۆڤی گەلەکی ئالۆز بوویە و پرانیا ئاڤاهی و خانیێن باژێر دەرز لێکەتنە.
ل گۆری ئامارێن ئۆدەیا ئۆپەراسیۆنان، هەتا نها:
– 756 کەسان د ئەردهەژێ دە جانێ خوە ژ دەست دانە.
– 257 ئاڤاهی ب تەمامی هلوەشیانە.
– 1100 خانی زیان دیتنە.
– 2692 مالبات بێ جهـ و وار مانە.
– 515 مالبات د کامپان دە هاتنە بجهکرن.
– 7 کامپێن نوو هاتنە ئاڤاکرن.
ئۆدەیا ئۆپەراسیۆنێن دیار کر ژی کو نها پێویستیا وان ب ڤان کاران هەیە:
– رزگارکرنا خەلکێ ژ بن کاڤلان و دەرخستنا تەرمان کو تێ پێشبینیکرن 80 – 90 مالبات هین ئاسێ مانە.
– ڤەکرنا رێیان و راکرنا کاڤلان ژ بۆ تیمێن رزگارکرنێ ب هێسانی تەڤبگەرن.
– ئالیکاریێن خوارنێ و شیرێ زارۆکان بێن بەلاڤکرن.
– ئاڤا پاک ژ بۆ هەموو گوندان بێ دابینکرن، ژ بۆ نەخوەشی بەلاڤ نەبن.
– ناڤەندەکە بزیشکی یا تایبەت ب ڤێ کارەساتێ و خالێن تەندروستیێ یێن گەرۆک وەرن ئاڤاکرن.
