سەرۆککۆمارێ ترکیێ رەجەب تەییب ئەردۆگان راگھاند، ھەژمارا وەلاتیێن کو د ئەردھەژێ دا جانێ خوە ژ دەست دانە، گھیشت 21 ھەزار و 43 کەسان.
رەجەب تەییب ئەردۆگان ل باژارێ دیاربەکرێ راگھاند، ھەژمارا وەلاتیێن کو د ئەردھەژێ دا جانێ خوە ژ دەست دانە، گھیشت 21 ھەزار و 43 کەسان و 80 ھەزار و 900 کەس ژی بریندار بوون.
سبەھا رۆژا 6ێ شوباتا 2023یێ ل ناڤچەیێن پازارجخ و ئەلبیستانێ یێن پارێزگەھا مەرەشێ یا باکورێ کوردستانێ 2 ئەردھەژێن ب ھێزا 7.7 و 7.6 روو دابوون.
ژ بەر ئەردھەژێ ل باژارێن رۆژئاڤایێ کوردستانێ و باکورێ رۆژئاڤایێ سووریێ ژی ھەژمارەک مەزن ژ ئاڤاھیان ھلوەشیان و ل گۆری ئامارێن نە فەرمی ژی، زێدەتر ژ ھەزار کەسان جانێ خوە ژ دەست دانە.
ھەتا نھا 76 وەلاتان ئامادەبوونا خوە ژ بۆ شاندنا تیمێن ئالیکاریێ بۆ زیاندیتیان نیشان دانە و زێدەتری 3 ھەزار کەس ژی بۆ ئالیکاریا زیاندیتیان گھیشتنە ترکیێ.
د ڤێ ناڤبەرێ دا سەرۆککۆمارێ ترکیێ رەجەب تەییب ئەردۆگان ل ھەرێمێن ئەردھەژ لێ روو دانە، ژ بۆ 3 مەھان رەوشا ئاوارتە راگھاندیە.
