ل مەرەشێ 10 هەزار و 194 کەسان جانێ خوە ژ دەست دانە

حکوومەتا ترکیێ رادگهینە، ل مەرەشێ 10 هەزار و 194 کەسان جانێ خوە ژ دەست دانە و ل 308 کاڤلان خەباتێن لێگەرین و رزگارکرنا وەلاتیان بەردەوامە.

وەزیرێ ناڤخوەیێ ترکیێ سولەیمان سۆیلو ل باژارێ مەرەشێ دەربارێ خەباتێن ئەردەهەژێ دە جڤینەکا رۆژنامەڤانی ساز کر.

سۆیلو دا زانین، ل مەرەشێ د ئەنجاما ئەردەهەژێ دە 10 هەزار و 194 وەلاتی جانێ خوە ژ دەست دانە.

دەستنیشان کر ژی، ژ دەستپێکا ئەردەهه‌ژێ هەتا نها ل مەرەشێ ل 4 هەزار و 497 کاڤلان خەبات ژ بۆ رزگارکرنا وەلاتیان هاتیە کرن و ئەڤ خەبات نها ل 308 کاڤلان بەردەوامە.

ئەڤ یەک د دەمەکێ دە یە، هەژمارا قوربانیێن ئەردهەژێ ل سەرانسەری باکورێ کوردستانێ و ترکیێ گهیشتیە 29 هەزار و 605 کەسان.