سەرۆکوەزیرێ ھەرێما کوردستانێ و سەرۆکێ ئیماراتێ جڤیان و تەکەزی ل سەر بھێزکرنا زێدەترا پێوەندیا بھێزا ناڤبەرا ھەرێما کوردستانێ و ئیماراتێ و پێشڤەبرنا ھەڤکاری و ھەڤاھەنگیا د ناڤبەرا ھەردو ئالیانا د ھەموو واران دا کرنە.
ئیرۆ دوشەمبێ 13ێ شوباتا 2023یێ، سەرۆکوەزیرێ ھەرێما کوردستانێ مەسروور بارزانی ل باژارێ دوبەی، لگەل سەرۆکێ ئیماراتا عەرەبی جڤیان.
د جڤینێ دا تەکەزی ل سەر بھێزکرنا زێدەترا پێوەندیا بھێزا ناڤبەرا ھەرێما کوردستانێ و ئیماراتێ و پێشڤەبرنا ھەڤکاری و ھەڤاھەنگیا ناڤبەرا ھەردو ئالیان د ھەموو واران دا ھاتیە کرن.
ھەروھا سەرۆکوەزیرێ ھەرێما کوردستانێ ل سەر حەسابا خوە یا تویتەرێ راگھاند: “ئیرۆ مە لگەل شێخ محەمەد بن زاید ل سەر رێیێن بھێزکرنا پێوەندیان گۆتووبێژ کر. خوەستەکا ھەرێما کوردستانێ و ئیماراتێ ھەڤبەشە د وارێن وەبەرھێنان، بازرگانی و دابینکرنا ئاساییشا خوراکا ناڤچەیێ دا.”
مەسروور بارزانی د تویتا خوە دا ھەروھا دەستنیشان دکە: “ئەز ب وێ یەکێ شانازیێ دکم کو ئیماراتێ وەک ھەڤبەشەک ب ناڤ بکم.”
