رزگاربوویەکی ئەردھەژێ: ئەز ل شکەفتەکێ دمینم

د 6ێ شوباتێ دا 2 ئەردەژێن ب پلەیا 7.6 و 7.7 ل بازارجخا مەرەشێیا باکورێ کوردستانێ پێکھات. ئەردھەژێ باندۆرا خوە ل گەلەک باژارێن کوردستانێ، ترکیێ و سورییێ کر. ژ بەر ئەردھەژێ ھەیا نھا نێزی 31 ھەزار کەسان ژیانا خوە ژ دەست دانە، ب دەھان ھەزار بریندار بوونە و ئەوقاس ژی دبن کاڤلان دا مانە.

محەمەد عەلی چەلیک کو ل ئادیامانێ مالا وی یا یەک قاتی ھلوەشیا ژی یەک ژ زیاندیتیێن ڤێ ئەردهەژێ یە، ئەو نھا د شکەفتەکێ دا دژی.

چەلیک کو خانی و مالباتا خوە ب هەڤرا وەندا کرنە، ب ڤی ئاوا باسی ژیانا خوە یا نها دکە: “من مالباتا خوە وندا کر. من ژنا خوە وندا کر، من زارۆکێن خوە وندا کرن. ئاڤاھیا مەیا یەک قاتی ھلوەشیا. ئەز ژ بالکۆنێ دەرکەتم. خانی ھلوەشیا.. من نەکاری خلاس بکم… ژنا من و زارۆکێن من د رۆژا دویەمین دا ژ بن کاڤلان دەرکەتن… ئەز د شکەفتەکا چیا دا دمینم.. من دوھی شکەفت پاقژ کر، دوھی ل ور مام. ئالیکاری ژ بۆ من ھات، من چاکیت و خوارن ستاند.. ئەز دێ ڤەگەرم ور…”