وه‌قفا بارزانی کاروانەکە دن یێ ئالیکاریان ل عه‌فرینێ بەلاڤ دکە
دەزگەها خێرخوازی یا بارزانی کاروانا سێیەمین یا ئالیکاریێن مرۆڤی گهاندە هەرێما عه‌فرینێ یا رۆژئاڤایێ کوردستانێ.
ئیرۆ رۆژا پێنجشه‌می 16\2\2023ێ کاروانێ سێیەم یێ دەزگەها خێرخوازی یا بارزانی گهیشتە عه‌فرینێ و دێ ل سەر زرارمەندێن ئەردهەژا جندرێسێ وەرن دابەشکرن.
ئەڤ کاروان ژ 10 بارهلگران پێک تێ و نڤین، بەتانی، سۆبە، شیر و پێویستیێن زارۆکان ئانینە و دێ ل ناڤچەیا جندرێسێ و هن گوندێن دن یێن عه‌فرینێ بێنە بەلاڤکرن.
سبەها 6ێ سباتا 2023ان ل ناڤچەیا پازارجخا مەرەشێ 2 ئەردهەژێن ب هێزا 7،7 و 7،6 روو دابوون. ئەردهەژێ باندۆرەکە وێرانکەر ل هەرێما عه‌فرینێ و ب تایبەت ل باژارۆکێ جندرێسێ کر.
ل گۆری ئۆدەیا ئۆپەراسیۆنێن کارەساتێ یا ئەنجوومەنا خوەجهی یا جندرێسێ، 1012 کەسان د ئەردهەژێ دە جانێ خوە ژ دەست دانە، 1100 خانی زیان دیتنە و 2692 مالبات بێ جهـ و وار مانە.
دەزگەها خێرخوازی یا بارزانی رۆژا 10ێ سباتا 2023ان، وەک یەکەم دەزگەهە کو ئالیکاریێن مرۆڤی ب رێیا دەریێ باب ئەل-سەلامێ رە گهاندن عه‌فرینێ.
