دەزگەها خێرخوازی یا بارزانی راگهاند، ژ رۆژا پشتی ئه‌ردهه‌ژێ وان ئالیكاری دانه زێدەتری 110 هەزار مالباتێن زیاندیتی، 33 هه‌زار مالبات ژ وان ل مه‌ره‌شێ یا باكورێ كوردستانێ نه.
ل گۆر راپۆرتا دەزگەها خێرخوازیا بارزانی، هەتا رۆژا 18/2/2023، 110 هەزار و 826 مالباتێن ژ ئه‌ردهه‌ژا 6ی سباتێ زیان دیتنه، سوودمەند بوونە.
ل گۆری ئاماران، دەزگەها خێرخوازیا بارزانی ل باکور و رۆژئاڤایێ کوردستانێ و ترکیێ، ئه‌ڤ خوراک و کەرەستەیێن ژێرین بەلاڤ کر:
– 32.000 خوارنێن ئامادەکری.
– 30 هەزار و 980 بەتانی، دۆشەک و بالیف.
– 32 هەزار و 900 ئاڤا ڤەخوارنێ.
– 19 هەزار 2 خوارنێن جودا یێن هشک.
– 3 هەزار و 676 دەرمانکرن.
– 4 تۆن دەرمان ژ بۆ عەفرینێ
– 9 هەزار سۆبە.
– 6 هەزار 108 جل.
– 2 هەزار و 537 کۆن.
– 8 هەزار و 48 پاکێت شیرێ زارۆکان.
– 100 ئالاڤێن ئاڤاکرنێ.
باژارێن کو ژ ئالیکاریا دەزگەها خێرخوازیا بارزانی سوود وەرگرتنە:
– ل مەرەشێ 33 هەزار و 389 مالبات.
– ل دیلۆکێ 25 هەزار و 440 مالبات.
– ل سەمسوورێ 9 هەزار و 550 مالبات.
– ل روهایێ 7 هەزار و 462 مالبات.
– ل ئامەدێ 4 هەزار مالبات.
– ل مەلەتیێ 4 هەزار و 580 مالبات.
– ل عەفرینێ 17 هەزار و 405 مالبات.
– 9 هەزار مالبات ل باژارێ ئادانا یێ ترکیێ.
دەزگایێ خێرخوازیا بارزانی راگهاند، 13 کامیۆنێن دن کو تێ دە مالزەمەیێن جوربەجور هەنە، گهیشتنە باکور و رۆژئاڤایێ کوردستانێ و ژ بۆ بەلاڤکرنێ ئامادەنە.
ل گۆری ئامارێن داوی، د ئەردهەژا ل باکورێ کوردستانێ و ترکیێ دە 40 هەزار و 642 کەس مرن و 108 هەزار و 68 کەس ژی بریندار بوون. ل گۆر ئامارێن نەتەوەیێن یەکبوویی، زێدەتری 5 هەزار کەس ل سووریێ و رۆژئاڤایێ کوردستانێ مرنە.
