رێخستنا په‌كه‌كێ، دیسا ناسنامه‌یا 5 جوانێن كورد ئاشكه‌ره كر سالا 2017 ل باشوورێ كوردستانێ دانه كوشتن و پاش ده‌رباسبوونا 6 سالان ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ رۆژا یه‌كشه‌می 20/2/2023 ناسنامه‌یا 4 كور و كه‌چێن كورد ئاشكه‌ره كر كو ل سالا 2017ێ ل باشوورێ كوردستانێ ب ده‌ستێ ئارتێشا ده‌وله‌تا ترك یا داگیركه‌ر دانه كوشتن و پاش ده‌رباسبوونا 6 سالان ژ نوو ڤه مرنا وان ئیفشا كر.
ناڤێن ڤان جوانان ووسایه:
ئایجان به‌یتار ژ ئێله‌هێ.
ره‌مه‌زان به‌دری ژ حه‌له‌بێ.
یووسف ئه‌رتاش ژ وانێ.
ئاده‌م ئۆزكان ژ ئاگریێ.
یه‌عقووب دونمووش ژ شرنه‌خێ.
هه‌په‌گێ به‌رێ ڤان جوانان ژی وه‌كه ب هه‌زاران جوانێن دن دایه مرنێ و د په‌سنێ وان ده دیسا پڕ ب رووقایمی گۆتییه: ئه‌و فه‌دایێن ئاپۆ بوون، ئه‌و لایقی رێبه‌ر ده‌ركه‌تن!.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
