وه‌كه هه‌ر رۆژ، په‌كه‌كێ وێنه‌یێن كۆمه‌كه دن یا جوانێن كورد ئه‌شكه‌ره كر كو ل سالا رابووری فه‌دا كرنه و ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ، دوهـ رۆژا شه‌می 25/2/2023 ناسنامه‌یا 4 جوانێن كوردان ئاشكه‌ره كر كو ل مه‌هێن ته‌باخ، ئیلۆن و جۆتمه‌ها سالا رابووری 2022ێ ل باكورێ كوردستانێ كه‌تبوونه به‌ر ئێریشێن ده‌وله‌تا ترك و ژ وێ ده‌مێ ڤه مرنا وان ڤه‌شارتی هشتبوو.
ناڤێن وان ووسایه:
محه‌مه‌د ئه‌حمه‌د ژ حه‌سه‌كێ.
یه‌عقووب ئابا ژ مێردینێ.
ئۆگۆر ئاجه‌ت ژ سته‌نبۆلێ.
كه‌مال بۆرال ژ ئێله‌هێ.
هه‌په‌گێ به‌رێ ڤان جوانان ژی وه‌كه ب هه‌زاران جوانێن دن دایه مرنێ و د په‌سنێ وان ده دیسا ب رووقایمی گۆتییه: ئه‌و فه‌دایێن ئاپۆ و لایقی ئاپۆ ده‌ركه‌تن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه كو د سالێن به‌رێ ده فه‌دا كرنه و پاش ده‌رباسبوونا ده‌مه‌ك درێژ ژ نوو ڤه مرنا وان ئیفشا دكه، تێ ته‌خمین كرن ب هه‌زاران جوانێن كورد مابن یێن كو په‌كه‌كێ ب ده‌ستێ ئارتێشا ده‌وله‌تا داگیركه‌ر دانه كوشتن و هێژان مرنا وان ئیفشا نه‌كری یه.
