هێزێن ئه‌وله‌هیێ یێن تركیێ به‌رپرسه‌كا رێخستنا په‌كه‌كێ یا ب ناڤێ گولدال به‌به‌ك ده‌سته‌رسه‌ر كرن، په‌كه‌كێ ژی چ ئاگاهی ده‌ربارێ گرتنا ڤێ كادرۆیا خوه پارڤه‌نه‌كرنه.
ئاژانسا ئه‌نادۆلێ یا ده‌وله‌تا ترك به‌لاڤ كر كو وەزارەتا کارێن ناڤخوەیی داخویاند د ئەنجاما خەباتێن مدووریەتێن ئەولەهیێ یێن کۆنیا و دیاربه‌كرێ دا، كادرۆیه‌كا ژن یا رێخستنا په‌كه‌كێ ب ناڤێ گولدال به‌به‌ك و كۆدناڤێ خوەزا لیلاو د ناڤونیشانه‌كێ كۆنیایێ ده هاته ده‌سته‌سه‌ر كرن.
ده‌ستنیشان كر، 23ێ سباتێ رۆژا پێنجشەمێ بەر ب ئێڤارێ هێزێن ئەولەهیێ ئۆپەراسیۆن ل دار خستن و ئه‌و كادرۆیا په‌كه‌كێ ل گه‌ل سێ كه‌سێن دن ده‌سته‌سه‌ر كرن، هێزێن ئەولەهیێ د ناڤونیشانێ دا ژی دەمانچەیەک، 2 ساژۆرێن وێ، 31 گوللـە، ماکینەیا لەحیمێ یا پێ گوللـە و بۆمبە تێ چێکرن، ب دەست خستن.
ل گۆری ئاژانسا ئه‌نادۆلێ، ئه‌ڤ كادرۆیا په‌كه‌كێ ده‌رباسی تركیێ ببوو و ل ناڤونیشانه‌كێ كۆنیایێ ده خوه ڤه‌شارتبوو و ئاماده‌هی بۆ ئێریشێ دكر و ل به‌ندا ته‌علیماتێن رێڤه‌به‌رێن پایه‌بلند یێن رێخستنێ بوو.
د داخویانیێ دا هات گۆتن کو كادرۆیا په‌كه‌كێ یا ده‌سته‌سه‌ر كری ژ بۆ ئێریشەکە وەکه ئێریشا 13ێ مژدارا 2022ان یا ل کۆلانا ئیستقلالێ، ئامادەهیێن داوین دکر. رێخستنا په‌كه‌كێ ژی ت ئاگاهی ده‌ربارێ گرتنا ڤێ كادرۆیا خوه به‌لاڤ نه‌كرنه.
