دو رۆژ بەرێ، ل باژارێ قامشلۆیێ رۆژئاڤایێ کوردستانێ، ھەژمارەک چەکدارێن روو نخوماندی، رۆژنامەڤان گۆران عەزم رەڤاندن، تۆرا رۆژنامەڤانێن کوردێن سووریێ داخوازا دکە کو چارەنووسا وی بهێت ئەشکەرەکرن.
ئیرۆ دوشەمبێ 27ێ سباتا 2023یێ، تۆرا رۆژنامەڤانێن کوردێن سووریێ دەربارێ رەڤاندنا رۆژنامەڤان گۆران عەزم دە داخویانیەک بەلاڤ کر و تێ دە داخوازا ئەشکەرەکرنا بلەزا چارەنووسا وی دکە.
د داخویانیا تۆرا رۆژنامەڤانێن کوردێن سووریێ دا ھاتیە دەستنیشانکرن: “ل باژارێ قامشلۆیێ رۆژئاڤایێ کوردستانێ، ھەژمارەک چەکدارێن روو نخوماندی رۆژنامەڤان گۆران عەزم بێیی ھەبوونا فەرمانا دەستەسەرکرنا وی، رەڤاندن.”
ھەروھا ھات دیارکرن، گۆران عەزم ل ناڤ بازارا گشتی یا قامشلۆیێ بەر ب جھەکی نەدیار ھاتیە رەڤاندن.
د داخویانیێ دە ھات دیارکرن کو گۆران عەزم یەک ژ دامەزرینەرێن تۆرا رۆژنامەڤانێن کوردێن سووریێ و یەک ژ بەرگریکارێن دیارێن مافێن رۆژنامەڤانان بوو.
تۆرا رۆژنامەڤانێن کوردێن سووریێ ژ دەستھلاتدارێن رێڤەبەریا خوەسەرا ل رۆژئاڤایێ کوردستانێ داخواز دکە، چارەنووس و جھێ گۆران عەزم ئەشکەرە بکن و ئازاد بکن.
