پەکەکێ ب تەمامی یەنەکە کۆنترۆل کریە

پەکەکێ ب تەمامی یەنەکە کۆنترۆل کریە

هەر کو دچە تێکلیێن د نێڤبەرا پەکەکێ و یەنەکێ دە بهێزتر دبن و پێتر یەنەکە دکەڤە بن باندۆرا پەکەکێ، هەلبەت ئەڤ ژی ژ بەر نزیکاتیا ڤان دو پارتیان و وەرگرتنا بریاران ژ یەک چاڤکانیە کو ئەو ژی ئیرانە.

چاڤکانیێن پێگەها دارکا مازی ئەشکەرە کرن، نها تێکلیێن د نێڤبەرا پەکەکێ و یەنەکێ دە گهشتنە ئاستا هەری ژۆر، ب ئاوایەکی کو چەکدارێن پەکەکێ وەکە کەسێن سڤیل ل سینۆرێ پارێزگەها سلێمانیێ هاتن و چوونێ دکن و بەرپرسێن ڤان دو پارتیان ب ئاوایەکی بەردەوام هەڤدیتنان پێک تینن.

چاڤکانیێن دارکا مازی هەر وەها ئەشکەرە کرن، پەکەکێ نها ل سلێمانیێ جیهەک ب ناڤێ (مالا برینداران) ڤەکریە و دەما چەکدارەکی وان ل هەر دەرێ بریندار دبە ڤەدگوهەزن ڤێ مالێ و ل ور تەداویا برینێن وان تێ کرن. بۆ میناک، پەکەکێ دو چەکدارێن خوە یێن ب ناڤێ نەسرین باکور کو پسپۆر بوویە د بکارئانینا چەکێ نیشانەشکێن دە و چەکدارێ ب ناڤێ عەلی شێر ئامەد کو بەرپرسێ تیمەک گەریلا بوویە ل داویا سالا ٢٠٢٢ان ژ هەرێما مەتینا ب برینداری ڤەگوهەستنە سلێمانیێ و ل ور ئەو تەداوی کرنە و پشترە ئەو جارەکە دن ڤەگەراندنە هەرێما مەتینایێ.

نزیکاتیا د نێڤبەرا پەکەکێ و یەنەکێ د دەمەکی دە یە کو هەر کو دچە یەنەکە پێتر ژ پەدەکێ دوور دکەڤە و پێتر پرسگرێکان ژ بووی حکوومەتا هەرێما کوردستانێ دروست دکە. چاڤدێرێن سیاسی ژی د وێ باوەرێ دە نە کو نزیکاتیا پەکەکێ ژ یەنەکێ و دروستکرنا پرسگرێکان ژ بۆی حکوومەتا هەرێما کوردستانێ ب بریارا ئیرانێ یە.

پوستێن ھەمان بەش