ئاژانسا ئیستیخباراتا ترکیێ (میت)ێ ئەندامەکی پەکەکێ ژ سلێمانیێ رەڤاند. ل گۆری ئاژانسا “ئانادۆلو” دەستێ وی ئەندامێ پەکەکێ د کوشتنا 60 ئەندامێن ھێزێن ئەولەھیێ یێن ترکیێ دە ھەیە.
ل گۆری ئاژانسا “ئانادۆلو”، ئەندامێ پەکەکێ یێ کو ژ ئالیێ میتێ ژ باژارێ سلێمانیێ ھاتیە رەڤاندن و ژ بۆ ترکیێ ھاتیە برن، ناڤێ وی “رەمەزان گونەش”ە و د ناڤ پەکەکێ دا ژی ناسناڤێن وەک شۆرەش/ شۆرەشگەر بکارئانیە و بەشداری 12 کریارێن “تەرۆریستی” بوویە.
ھەر چەند ئاژانسێ ئاوایێ گرتنێ و رەڤاندنا ئەندامێ پەکەکێ ئاشکەرە نەکریە ژی، گۆت 60 ئەندامێن ھێزێن ئەولەھیێ یێن ترکیێ د وان کریارێن “تەرۆرستی” دە ھاتنە کوشتن.
ھات راگھاندن کو رەمەزان گونەش د سالا 2008ێ دا بەشداری ناڤا رەفێن پەکەکێ بوویە و بەشداری چالاکیێن پەکەکێ یێن ل ھەرێما کوردستانێ و سووریێ بوویە.
