عه‌ره‌بێن هاوردە گەفا داگیرکرنا گوندەکێ کەرکووکێ دكه‌ن
ژێدەرەکی ژ گوندێ شەناخە یێ سەر ب سەرگەران ڤه راگهاند، عه‌ره‌بێن هاوردە گەف ل جۆتکارێن کوردێن گوندێ شەناخە خوارنە و دخوازن ئیرۆ بکەڤن ناڤ گوند و زەڤی و ئەردێن جۆتکارێن کورد داگیر بکن.
ژێدەری ژ کوردستان24ێ ره دیار کر، عه‌ره‌بێن هاوردە چادر ب خوە رە ئانینە و نیەتا وان خرابە و دخوازن ل گوند بمینن و زەڤیێن جۆتکارێن کورد داگیر بکن.
هەروها ئەشکەرە کر، د ئەگەرا هاتنا وان دە، جۆتکارێن کورد دێ رووبروویی وان ببن و رێ نادن ڤێ داگیرکەریێ.
ل گۆر زانیاریێن کوردستان24ێ، ژ بۆ رێگرتنا ل هەر ئەگەرەکە نەچاڤەرێکری، هێزەکە ئارتێشا ئیراقێ ژی ل ناڤ گوند هاتیە بەلاڤکرن.
