ئەنجامێن ئەردهەژێن 6ێ سباتێ یێن ل باکورێ کوردستانێ و ترکیێ گرانتر دبن و هەژمارا قوربانیان، 45 هەزار کەس دەرباس کر.
سەرۆکاتیا رێڤەبرنا رەوشا ئاوارتە و کارەساتان (ئافاد) د داخویانیەکێ دە ئامارێن نوو یێن ئەردهەژێن 6ێ سباتێ بەلاڤ کرن و دیار کر، هەژمارا کەسێن د ئەردهەژان دە جانێ خوە ژ دەست دانە، گهشتیە 45 هەزار و 89 کەسان.
هەروها پشتی هەر دو ئەردهەژێن مەزنێن ب پلەیا 7.7 و 7.6، زێدەتر ژ 11 هەزار پاشلەرزە روو دانە. ئافادێ د داخویانیا خوە دە بەهسا برینداران نەکر لێ تێ زانین، د وان ئەردهەژان دە زێدەتر ژ 100 هەزار کەسی بریندار بوونە.
سەرۆکێ ئافادێ پێشتر راگهاندبوو، د زێدەتر 21 هەزار ئاڤاهیێن هلوەشیایی دە خەباتێن لێگەرین و رزگارکرنێ ب داوی بوونە و نها ئەم کار ژ بۆ راکرنا کاڤل و پاشمایان دکن.
