رێخستنا ب ناڤێ “جوانێن شۆرەشگەر” یێن سەر ب پارتیا کارکەرێن کوردستانێ (پەکەکێ)ڤە ل تاخێ شێخ مەقسوود یێ باژارێ حەلەبێ، زارۆکەکی دنێ کورد رەڤاند دا کو وی بکە ناڤ رەفێن ھێزێن چەکدارێن وێ پارتیێ دە.
ل گۆر ئاگاهیان، رێخستنا ب ناڤێ “جوانێن شۆرەشگەر” یا سەر ب پەکەکێ ڤە زارۆکێ ب ناڤێ محەمەد حوسێن ھۆرۆ یێ 14 سالی ل تاخا شێخ مەقسوودا باژارێ حەلەبێ رەڤاند، دا کو وی تەڤلی رەفێن ھێزێن چەکدارێن وێ پارتیێ بکن.
محەمەد حوسێن ھۆرۆ ژ گوندێ کەفر سافرا یێ ناڤچەیا جەندەرەسا عەفرینێیە.
چەکدارێن پەکەکێ بێی هیچ رێگریەکا ئەخلاقی بەردەوامن د رەڤاندنا زارۆکێن تەمەن بچووک دا ل دەڤەرێن د بن کۆنترۆلا پارتیا یەکیتیا دەمۆکرات (پەیەدێ) دا.
چەند رۆژ بەرێ ژی جوانێن پەکەکێ زارۆکەک نەخوەش ل تاخێ شێخ مەقسوود یێ باژارێ حەلەبێ و زارۆکەک ژی ل باژارێ قامشلۆ رەڤاندبوون، دا کو وان تەڤلی رەفێن ھێزێن لەشکەری یێن وێ پارتیێ بکن.
رێخستنا ژێ را دبێژن “جوانێن شۆرەشگەر” ب ئاوایەکی ئەشکەرە ب چ پێکھاتە و دەزگەھێن سیاسی و لەشکەری یێن رۆژئاڤایێ کوردستانێ ڤە گرێدایی نینە و راستەراست گرێدایی پەکەکێ یە کو د لیستەیێن رێخستنێن تەرۆریستی یێن ناڤدەولەتی دا جھ دگرە.
