مەدیایا پەکەکێ 20ێ سباتێ نووچەیا کو دو کەچێن جوانێن ئێزدییان ھاتنە رەڤاندن بەلاڤکر. د 20ێ سباتێ دا، ئاژانسێن نووچەیان یێن پەکەکێ، ANFێ و رۆژنیوزێ، ب مانشێتا “ھێزێن پەدەکێ دو کەچێن ئێزدی رەڤاندن” دەرەوک بەلاڤکر. رۆژا پاشێ، رێخستنا ژنێن پەکەکێ یا شنگالێ TAJE ل سەر مژارا ھەر دو ژنێن جوان ئیدیعا کر کو پەدەکێ ئەو رەڤاندنە. پشتی نووچەیێن ل مەدیایێ، دارکا مازی لێکۆلینەک ل سەر مژارێ کر.
چاڤکانیێن دارکا مازی یێن ھەرێمێ، د گەل خزمێن مالباتا وان کەچان و مرۆڤێن وان یێن کامپێ دا پەیوەندی چێکرن. راستیا ڤێ بوویەرێ ب ھوورگولی ھاتە لێکۆلین کر.
چەند کەچ وندا بوونە؟
ل گۆری زانیاریێن کو مە وەرگرتینە، تەنێ یەک کەچا جوان وندایە. ژ خوە مەدیایا پەکەکێ ژی د نووچەیێن خوە دا ناڤێ کەچەکێ نەوەشاند. ناڤێ خوە نادە. ھەتا نھا، نە ل کامپان و نە ژی د سازیێن فەرمی دا، ژ بلی سەرلێدانا وندابوونا یەک کەچ چ سەرلێدان نەھاتینە کرن.
ژنا جوانا کو وەندا بوویە تەنێ ڤییان فەرەچ سلێمان خەلەفە. د لێکۆلینێن مە دا، ژی دەرکەتییە ھۆلێ کو ڤییان فەرەج نە وندایە، بەلکو ل گەل خۆشەویستێ خوە چوویە. ڤێ بوویەرێ چ پەیوەندی ب لایەنەکی سییاسی ڤە نینە بەلکو کێشەکا چڤاکییە.
مخابن، پەیوەندیێن وھا د ناڤا جکاڤا ئێزدی دا ب گشتی ب سزایێن گران روو ب روو دمینن. کەچێن ئێزدی نکارن ل گەل لاوکەکی مسلمان ئەڤینی و ھەڤژینیێ پێک بینن. لێ پەکەکێ کێشەکا ژ بۆ جڤاکا ئێزدی هندە گرنگ ژ بۆ خوە کرییە مژارا پرۆپاگەندەیێ. ئەڤ یەک بێرێزییەکا مەزنە ل ھەمبەر کوردێن ئۆلا ئێزدی. پەکەکە ھەمبەر پیرۆزی و مەبدەئێن ئێزدی بێرێزییێ دکە.
ڤییان فەرەچ سلێمان کییە؟
ڤییان کەچەک ئێزدییە و تەمەنێ وێ 26 سالن. ئەو لگەل مالباتا خوە ل کۆمالگەھا خانکێ یا سەر ب دوھۆکێ ڤە دژیت. تێ زانین کو ئەڤ ژنا جوان ژ بەر حەسکرییێ خوەیێ مسلمان راستی زەختا مالباتێ ھاتبوو.
ئەوێ دزانی کو مالبات وێ نادەنە ھەسکرییێ وێ و ژ بەر ڤێ یەکێ ڤییان لگەل دەزگرتیێ خوە درەڤیت. ڤیان ل کۆمالگەھا خانکێ ب تەنا سەرێ خوە ب تەکسییێ درەڤیت. ئەڤ رەڤا وێ د کامیرەیێن وێ دەڤەرێ دا ژی ب زەلالی دییار د بیت. مرۆڤێن ڤییانێ دبێژن گاڤا ئەو ژ مال دەرکەتی پاسپۆرتا خوە، پارە و وەرەقەیێن خوەیێن فەرمی ژی برنە. بابێ ڤییانێ ل سەر ڤێ بوویەرێ دەزگەھێن فەرمی ئاگاھدار دکە. ژ بۆ پەیداکرنا ڤییان و خۆرتێ کو ئەو لگەل وی دا چوویی، ھەموو بنکەیێن پێوەندیدار ھاتنە ئاگاھدار کرن. ھەر وھا، دەرگەھێن سینۆری و بالافرگەھ ژی ل سەر پرسگرێکێ ئاگاھدار کری نە.
ھەیا نھا، ھێزێن ئاساییشا دوھۆکێ ل سەر ڤێ مژارێ داخویانیەک نەدانە، لێ تەنێ لگەل مالباتا کەچکێ داە پەیوەندی چێکرنە. ب ڤی رەنگی، ھێزێن ئاساییشێ ب رێزداری نێزیکی مەحرەمیەتا جڤاکا ئێزدی بوویە.
ئارمانجا قرێژا پەکەکێ
خەلکێ خانکێ و ھەمی جڤاکا ئێزدی ڤان ئاگاھییێن مە پشتراست دکن. ژخوە برایێ ڤییانێ دلمان فەرەج ژی چ بەحسا پەدەکێ و پێشمەرگە نەکرییە.
مەدیایا پەکەکێ ل سەر ڤێ پرسگرێکێ گۆتنێن نەدیار بکار ئانینە. ھەر چەند د مانشێتا نووچەیێ دا بەحسا پەدەکێ ھاتبە کرن ژی، لێ د ناڤەرۆکا وێ دا تشتەک زەلال نابێژە. ئەڤ نووچە ژ بۆ بێرێزکرنا ب پەدەکێ ل سەر مێزەیێ دەرەوکەر و بێبەختێن ANFێ و رۆژ نیۆزێ ھاتییە ئامادەکرن. ژ بۆ ئەڤ دەرەو پیچەکدی ژی پێباوەر بە رێخستنا TAJE یا سەر ب پەکەکێ داخویانییەک ب دەرەوان نەخشاندی بەلاڤکر.
د ڤێ پێڤاژۆیێ دا، پەکەکە ژ بۆ پێشیلێگرتنا گەشەدانێن سیاسی ل شنگالێ، کامپانیایەک دایە دەست پێ کرن. مرۆڤێن بێگونەھ وەکی سیخور تێن تاوانبارکرن و زەخت و ئیشکەنجە ل وان تێ کرن. دییارە کو نووچەیا پەکەکێ کو دبێژە “پەدەکە کەچێن ئێزدییان د رەڤینە” بەشەک ژ کامپانیایا پەکەکێ یە.
پەکەکە دلپاکییا جڤاکا ئێزدی، سافبوونا وان و مرۆڤحەزییا وان ب نەباشی بکارتینە و وانا د بن بۆردۆمانا دەرەوان دا دھێلە.
