بەرپرسەکی پەکەکێ پشتی ترومبێلەک دزی هات کوشتن

بەرپرسەکی پەکەکێ پشتی ترومبێلەک دزی هات کوشتن

یەک ژ بەرپرسێن پەکەکێ ل باشوورێ کوردستانێ پشتی کو 3 کەسان ئەرکدار دکە کو ژ وی رە ترومبێلان ژ کەرکووکێ بدزن، ژ ئالیێ درۆنێن ئارتەشا ترکیێ ڤە تێ کوشتن.

ل گۆر ئاگاهیێن تایبەت یێن پێگەها دارکا مازی، بەرپرسەکی پەکەکێ یێ ب ناڤێ دەلیل کو ل سینۆرێ باژارۆکێ چەمچەمال ئێ باشوورێ کوردستانێ ژ ئالیێ بالافرێن جەنگ یێن ترکیە ڤە هاتیە هەدەفگرتن و کوشتن د سالا 2019ان دە سێ کەس ئەرکدار کرنە کو ژ پەکەکێ رە ترومبێلێن ولاتیێن کەرکووکێ بدزن، ژ بۆی کو پەکەکە سوود ژ وان ترومبێلان وەرگرە.

چاڤکانیێن پێگەها دارکا مازی ئەشکەرە کرن، ڤی بەرپرسێ پەکەکێ هەر یەک ژ لەتیف، چۆمان و بەختیار کو ژ باشوورێ کوردستانێ نە، ئەرکدار کرنە کو ل باژارێ کەرکووکێ ترومبێلێن ولاتیان بدزن هەیا کو پەکەکە ژ وان ترومبێلان سوود وەربگرە.

چاڤکانیێن دارکا مازی هەر وەها ددن زانین، لۆما ڤی بەرپرسێ پەکەکێ ئەڤ کەسانە ئەرکدار کرنە کو ژ کەرکووکێ ترومبێلان بدزن هەیا کو ئەڤ کار زێدە د مەدیایێ دە جی نەگرە و فۆکسا مەدیایێ نەکەڤە سەر ڤێ مژارێ.

ل گۆر ئاگاهیان، ڤان کەسان ترومبێلەکە هۆندا یا ولاتیەکی عەرەب ل سەر جاددەیەکە گشتی یا کەرکووکێ سەکناندیە، پشترە ترومبێل ب زۆرداری و چەک ژ ڤی ولاتیێ عەرەب ستەندیە و رادەستی پەکەکێ کریە.

پوستێن ھەمان بەش