سێ گۆرێن ب کۆم ل شنگالێ تێنە ڤەکرن

ل شنگالێ سێ گۆرێن ب کۆم تێنە ڤەکرن و تێ چاڤەرێکرن کو 40 تەرم تێ دا ھەبن.

ئیرۆ شەمبیێ 4ێ ئادارا 2023، ل شنگالێ سێ گۆرێن ب کۆمێن دەما داعشێ ل گوندێ حەمەدانێ یێ سەر ب قەزایا شنگالێ تێنە ڤەکرن.

تێ چاڤەرێکرن کو تەرمێن 40 وەلاتیان د ناڤ وان گۆران دا ھەبن.

ئەڤ د دەمەکێ دایە کو ھەتا نھا ژ 89 گۆرێن ب کۆمێن وەلاتیێن شنگالێ، 38 گۆر ھاتنە ڤەکرن و روفاتێن 160 وەلاتیان بۆ کەسووکارێن وان ھاتنە ڤەگەراندن.

ھەروھا 500 روفاتێن وەلاتیان بۆ پزشکیا داد یا بەغدایێ ھاتنە ڤەگوھەستن، دا کو پشکنینا DNA ل سەر وان بهێت کرن و ناسنامەیێن وان بهێن ئەشکەرەکرن.