بەلاڤکرنا ئالیکاریێن وه‌قفا بارزانی ل عه‌فرینێ بەردەوامە

Dezgeha-Xêrxwazî-ya-Barzanî-li-Efrînê-

دەزگەها خێرخوازی یا بارزانی کاروانەکی دن یێ ئالیکاریێن مرۆڤی ل هەژمارەک گوندێن هەرێما عه‌فرینێ یێن زیان ژ بەر ئەردهەژێ دیتنە، بەلاڤ دکە.

دەزگەها خێرخوازی یا بارزانی د بەلاڤکرنا ئالیکاریێن مرۆڤی ل سەر زیاندیتیێن ئەردهەژا 6ێ سباتێ ل گوندێن عه‌فرینێ بەردەوامە و ئیرۆ ئالیکاری گهاندن گوندێن دێوا ژۆر، دێوا ژێر، محەمەدیێ و مدێ یێن ل ناڤچەیا جندرێسێ و ل سەر گوندیان بەلاڤ کرن.

هەر وها دەزگەها خێرخوازی یا بارزانی دوهی ژی ئالیکاریێن مرۆڤی ل گوندێن فرێریێ، کانی گەرک، کۆکەبێ، بۆزیک، کامپا بۆزیکێ و تلفێ بەلاڤ کربوون.

رۆژا 6ێ سباتا 2023ان ل ناڤچەیا پازارجخا مەرەشێ 2 ئەردهەژێن ب هێزا 7،7 و 7،6 روو دابوون. ئەردهەژێ باندۆرەکە وێرانکەر ل هەرێما عه‌فرینێ و ب تایبەت ل باژارۆکێ جندرێسێ و گوندێن وێ کر.

ل گۆری ئۆدەیا ئۆپەراسیۆنێن کارەساتێ یا ئەنجوومەنا خوەجهی یا جندرێسێ، 1012 کەسان د ئەردهەژێ دە جانێ خوە ژ دەست دانە، 1100 خانی زیان دیتنە.

وه‌قفا بارزانی رۆژا 10ێ سباتا 2023ان، وەک یەکەم دەزگەهە کو ئالیکاریێن مرۆڤی ب رێیا دەریێ باب ئەل-سەلامێ رە گهاندن عه‌فرینێ و گوندێن وێ و ژ وێ دەمێ ڤە ب بەلاڤکرنا ئالیکاریان ل سەر زیاندیتیێن ئەردهەژێ بەردەوامە.

پوستێن ھەمان بەش