رێخستنا په‌كه‌كێ به‌رێ 7 زارۆكێن دن یێن كوردان دا مرنێ، ئه‌و ل 2 سباتا ئیسالێ د شه‌رت مه‌رجێن گرانێن زستانا چیایێ مه‌تیانیێ ده ب كوشتن دان و ئیرۆ هاتیه د په‌سنێ وان ده گۆتی یه: 7 فه‌دایێن دن یێن ئاپۆ!!.
هه‌په‌گێ باسكێ له‌شكه‌ری یێ په‌كه‌كێ وه‌كه هه‌ر رۆژ، وێنه و ناسنامه‌یێن 7 كه‌چ و خۆرتێن دن یێن كوردان ئاشكه‌ر كر كو ل 2 سباتا ئیسال 2023ێ ل چیایێ مه‌تینا یێ باشوورێ كوردستانێ ب ده‌ستێ ئارتێشا ده‌وله‌تا ترك یا داگیركه‌ر دانه كوشتن و پاش ده‌رباسبوونا مه‌هه‌كێ ژ نوو ڤه مرنا وان ئیفشا كر.
ناڤێن وان وسایه:
بوشرا ئاکتاش ژ مێردینێ.
بوشرا بەسراوی ژ کۆبانێ.
کانی ساکین ژ مێردینێ.
عه‌لی فەنەر ژ رهایێ.
زانا ساڤووران ژ ئامەدێ.
زوبەییر تەیموورۆگلوو ژ چەولیگێ.
ئیسماعیل حه‌سه‌ن ئیبراهیم ژ حەسەکێ.
په‌كه‌كێ ئه‌ڤ جوانێن كورد كو د ده‌ستپێكا گێنجاتییا خوه ده نه ب كوشتن دان، ئه‌و فه‌دایی دۆزه‌كێ كرنه كو پێوه‌ندییا وێ ب كورد و كوردستانێ ڤه تونه، فه‌دایی براتیا گه‌لان كرن، فه‌دایی تێزێن گه‌نی یێن زلامێ ئیمرالیێ كرن، ئه‌و وه‌كه ب هه‌زاران زارۆك و جوانێن دن یێن كوردان ب ناڤێ كوردستانێ خاپاندن و ژ بۆی براتییا ب داگیركه‌ران ره دانه كوشتن.
په‌كه‌كێ د داخۆیانییا راگهاندنا شه‌هاده‌تا وان ده ب روو قایمی گۆتییه ئه‌ڤ له‌هه‌نگێن ئاپۆ بوون، وان ب روحێ فه‌دایی یێ ئاپۆ شه‌ر كرن، لێ به‌لێ هه‌ر كه‌س دزانه ئاپۆ ت تشته‌كی ب ناڤێ روحێ فه‌دایی تونه، ئاپۆ خوه‌دیێ روحێ ته‌سلیمبوونێ یه، زلامێ ئیمرالیێ ت به‌رخوه‌دانه‌كا وی تونه، ته‌كانه به‌رخوه‌دانا وی ئه‌ڤه وه‌ختا گۆتی ل من نه‌خن، دیا من تركه، ئه‌ز ژ بۆ خزمه‌تا تركیێ ئاماده‌مه.
