لوید ئاوستن گۆت: «ئەم ل ئیراقێ دمینن و ئەم بەردەوام دبن د پشتەڤانیکرنا هێزێن ئیراقێ و پێشمەرگە د شەرێ دژی داعشێ دە. ئەم د دەما بۆری دە ل گەل هەرێما کوردستانێ مل ب مل خەبتینە».
د بەشەکە دن یا کۆنفەرانسا رۆژنامەڤانی دە وەزیرێ به‌رگریێ یێ ئه‌مه‌ریكایێ پێشوازی ل هەولدانێن وەزارەتا پێشمەرگە یێن ژ بۆ یەکخستنا لیوایێن 70 و 80 نیشان دا و گۆت: «ئه‌مه‌ریكا پێشوازی ل پێنگاڤێن یەکخستنا هێزێن پێشمەرگە دکە».
ژ ئالیێ دن ڤە، سەرۆکێ هەرێما کوردستانێ نێچیرڤان بارزانی سپاسیا پشتەڤانیا بەردەواما ئه‌مه‌ریكایێ بۆ هێزێن پێشمەرگە و هەرێما کوردستانێ کر و گۆت: «مە لگەل وەزیرێ به‌رگریێ یێ ئه‌مه‌ریكایێ کێشەیێن ناڤبەرا هەولێر و بەغدایێ، یەکخستنا هێزێن پێشمەرگە و هەڤاهەنگیا ناڤبەرا پێشمەرگە و ئارتێشا ئیراقێ گۆتووبێژ کر».
